> 2012 mes’e paschixèdda 03 | ilMinuto

Archíviu de sa diri 3/12/2012

Faint goal is assótzius ecologistas chi aciufant a sa tzetrali eolica offshore a faci de s’Asinara

(IlMinuto) – Casteddu, 3 de su mesi de paschixèdda – Dógnia tanti una nova bella. Su progetu propostu de sa sotziedadi aostana Seva s.r.l. po su cumprimentu de una tzentrali eolica off shore in su Grofu de s’Asinara no s’at a fai. A ddu detzíderi est stétia sa Seva etotu, chi biu is cuntestaduras “formalizzate” at determinau de ndi liai a sa dimanda. Is atus de cuntestadura presentaus de is assótzius ecologistas Grupu de Interventu Giurídicu, Amigus de sa Terra e Lega po s’Abolitzioni de sa Cassa contra a su progetu chi istrupiàt meda ant fatu goal. A faci de custa bitória is oposidoris si declarant prexaus. Su “apenas istransiu – si ligit in su giassu ofitziali de su Grupu de Interventu Giurídicu – est un’àtera pàgini de ispeculatzioni eolica in Sardigna: de 27 tzentralis eolicas chi ddoi funt (453 MW de poténtzia), si fessant fabricadas is àteras 34 in abetu de permissu, s’iat a lompi a 61 parcus eolicus cun 1.265 MW de poténtzia”. Sighi a ligi ‘Faint goal is assótzius ecologistas chi aciufant a sa tzetrali eolica offshore a faci de s’Asinara’

“Proletàrius obrigaus a pigai is cadenas”. Su Prc Meilogu batacollat a s’Anas

(IlMinuto) – Casteddu, 3 de su mesi de paschixèdda – De calencuna diri est stétiu postu s’óbrigu de gomas de nii o de cadenas a bordu de is veturas de su chilómitru 137,900 a su 179,500 de s’istrada istatali 131, in is provìntzias de Nùgoro e Tàtari. Ddu at fatu isciri s’Anas, pretzisendi ca is comunus interessaus de su provedimentu funt Bòrore, Macumère, Bìroro e Bortigale po su Màrghine e, po su Meilogu, Cossoine, Tzàve, Cherèmule, Turràlva e Bunnànnaru. Unu determinu batacollau de su Prc de su Meilogu. “Marx e Engels – cumentat su tzírculu de su logu Farore Sini – ant a acabai a su Manifestiu insoru narendi ca is proletàrius no teniant de perdi ca is cadenas. Sighi a ligi ‘“Proletàrius obrigaus a pigai is cadenas”. Su Prc Meilogu batacollat a s’Anas’

Memorial Michele de Virgiliis, bitória Crusaders Casteddu

(IlMinuto) – Casteddu, 3 de su mesi de paschixèdda – Arcivada sa setima editzioni puru de su Memorial Michele De Virgiliis. Una giornada bera de isport e amigàntzia aprontada de is Crusaders Casteddu contra a is Raptors de sa Corsica, isboddiada in su Campu Isportivu Eliseo Corona Terramaini de arruga Crabas in Paùli. Crusaders Casteddu 30 – Raptors de sa Corsica 00 est s’arrasutau de sa gara chi s’est tenta sàbudu passau. Un’”amichevole” andada beni meda. Un’ispétzia de test contra a is giogadoris de s’ísula sorri innoia is Crusaders ant tendu sa possibilidadi de fai giogai a is arribus nous po isperimentai s’abilesa insoru a su giogu riali e a su cumportamentu cravadori de is aversàrius. Intre Crusaders e Raptors in Terramaini ddoi furiant una cincuantina de cascus. Sighi a ligi ‘Memorial Michele de Virgiliis, bitória Crusaders Casteddu’

(Italiano) Documento: dimissioni da consigliere provinciale. La coerenza di Bobore Bussa

Sighi a ligi ‘(Italiano) Documento: dimissioni da consigliere provinciale. La coerenza di Bobore Bussa’

Su Partidu Comunista de is Traballadoris isbarcat in Dèximu Mannu

(IlMinuto) – Casteddu, 3 de su mesi de paschixèdda – Est stétia costituia in forma ofitziali in Dèximu Mannu puru, a sa fini de su mesi de ledàminis passau, una tzéllula de su Partidu Comunista de is Traballadoris. A faci de “sa crisi prus manna de s’istória de su sistema capitalista, chi sighit a fai pagai a caru prétziu a traballadoris, traballadoras, precàrius, disimperaus e istudiantus de totu su mundu, is próprius mancantzias e arrefrigadas istruturalis de unu mecanismu a custu puntu morri morri, – si ligit in d-una nota de imprenta – s’est pentzau de profetu de donai sa nàscida in sa bidda nostra puru, a una fortza política e rivolutzionària”. Sighi a ligi ‘Su Partidu Comunista de is Traballadoris isbarcat in Dèximu Mannu’

Biàgios

Social

Facebook     Twitter     Feed RSS  

In primu pianu

 

mes'e paschixèdda: 2012
L M M G C S D
« tot   gen »
 12
3456789
10111213141516
17181920212223
24252627282930
31  
Formas
S'Urtima nova