> 2012 mes’e paschixèdda 06 | ilMinuto

Archíviu de sa diri 6/12/2012

Istruzione: disabilità e sistema scolastico

Sighi a ligi ‘Istruzione: disabilità e sistema scolastico’

Cumentzat su segundu ciclu de atopus asuba de s’allevamentu de sitzigorrus

(IlMinuto) – Casteddu, 6 de su mesi de paschixèdda – Si tzerriat “elicicoltura” s’allevamentu de sa gioga a iscopu alimentari. Obietivu de custu bratzu de sa “zootecnia” est prodúsiri cantidadis mannas de molluscus po ddus bendi a is ristorantis interessaus. Est própriu asuba de s’allevamentu de su sitzigorru chi sa Provìntzia de su Campidanu de Mesu, cun s’agiudu de s’Agentzia Laore, at a aprontai unu ciclu di atopus didàticus. Agoa de sa fortuna de sa primu editzioni chi s’est isboddiada su beranu passau, at cumentzai difatis su segundu ciclu de imparu puru asuba de s’allevamentu de sa gioga, chi at essi presentau lúnis 10 de su mesi de paschixèdda a is 16.00 in sa domu de sa Presidéntzia de sa Provìntzia in bia Carlu Felici 267 in Seddori. Sighi a ligi ‘Cumentzat su segundu ciclu de atopus asuba de s’allevamentu de sitzigorrus’

Istrutzioni: agiudus po s’annestru a s’isvilupu de sa citadinàntzia mondiali

(IlMinuto) – Casteddu, 6 de su mesi de paschixèdda – Mancant galu pagus diris a s’iscadéntzia de sa presentada de is propostas de progetu po promòviri atzionis de trisinamentu in is iscolas elementaris e médias de primu gradu de sa Sardigna asuba de is temas de s’annestru a s’isvulupu e de sa citadinàntzia mondiali. S’avisu de sa Presidéntzia de sa Regioni est po is assótzius de voluntariau iscritus in su cumpartu assistu internatzionali de su registru de su voluntariau e a is organizatzionis chi no funt istatalis reconotas de su Ministeru de is afàrius ésteru ativus in su territóriu de s’ísula. Diversus is temas de interessu, de sa cultura de sa paxi a sa conviventzia paxiosa intre is pópolus e is cristianus, de sa promotzioni de is diritus umanus de sa gherra comenti médiu de determinu de is batallas, de sa “multiculturalità” a s’integratzioni “interetnica” e “interreligiosa” e s’arrespetu de is diversidadis; e galu: sa democratzia “partecipativa”, sa legalidadi, s’acasàgiu, sa participatzioni, s’ivilupu umanu, sustenìbili, s’àcua e su clima. Is propostas de progetus ant a depi lomi intru is 13.00 de su 14 su mesi de paschixedda de su 2012 a s’indiritzu “Regioni Autónoma de sa Sardigna – Presidéntzia de sa Regioni – Serbítziu Afàrius Internatzionalis, arburada Trento, 69, – 09123 Casteddu. Sighi a ligi ‘Istrutzioni: agiudus po s’annestru a s’isvilupu de sa citadinàntzia mondiali’

“Mesi de is diritus Umanus”: in Casteddu su forum asuba de su disarmu nucleari

(IlMinuto) – Casteddu, 6 de su mesi de paschixèdda – Po su “Mesi de is Diritus Umanus” s’Istitutu Buddista Soka Gakkai cun s’agiudu de su Dipartimentu de Isciéntzias Sotzialis e de is Istitutzionis de s’Universidadi de is Istúdius de Casteddu aprontat su forum asuba de su disarmu nucleari in sa primu tzitadi de sa Sardigna. “Disarmu nucleari? Unu caminu possíbili” est su tema de s’atopu chi s’at a tenni su 7 de su mesi de paschixèdda chi benit de is 18.00 a is 20.00 in s’àula Teatru de s’ex Istitutu Tzurpus in arruga Nicolodi 104. Reladoris: Annamaria Baldussi, maista de Istória de s’Asia in sa Facoltadi de Isciéntzias Políticas e Vinicio Busacchi, circadori de Filosofia Teorètica in sa Facoltadi de Filosofia. At a cordinai su forum su giornalista Walter Falgio. Sighi a ligi ‘“Mesi de is diritus Umanus”: in Casteddu su forum asuba de su disarmu nucleari’

In Santu Antiogu “Caminus di Autori” rassegna internatzionali “cortometraggio”

(IlMinuto) – Casteddu, 6 de su mesi de paschixèdda – “Cortometraggi” chi lompint de Marocu, Algeria, Tunisia, Libano, Israele, Palestina, Grecia, Kosovo, Bosnia-Erzegovina, Croazia, Ispagna e Itàlia. Seus fueddendi de is video chi ant essi proietaus in sa saba consiliari de su Comunu de Santu Antiogu, in cursu Vitòriu Manuelli 115, di oi fintzas a su 9 de su mesi de su mesi de paschixèdda chi benit. S’ocasioni est sa rassegna internatzionali de “cortometraggi” aprontada de su Círculu “Màginis” e intitulada “Caminus di Autori: anodítzus mediterràneus“. S’avenimentu est finantziau de su Comunu de Santu Antiogu, de sa Provìntzia de Crabònia Igrèsias e de su Parcu Geominerariu Istóricu e Ambientali de sa Sardigna. Is pellículas de is registas ant a allirgai a sa tzitadina de su Surcis po cuàturu diris afoxendidda in mundus culturalis istravanaus. “Caminus di Autori: anodítzus mediterràneus” est una de is primus manifestadas de tzínema mediterràneu e a oi est s’única rassegna dedicada totu a is “cortometraggi” mediterràneus. Diversus is temas acapiaus a is territórius de s’area in chistioni: sa cunditzioni feminina, sa pitzinnia, s’imigratzioni, s’assoladura sotziali. Sighi a ligi ‘In Santu Antiogu “Caminus di Autori” rassegna internatzionali “cortometraggio”’

Biàgios

Social

Facebook     Twitter     Feed RSS  

In primu pianu

 

mes'e paschixèdda: 2012
L M M G C S D
« tot   gen »
 12
3456789
10111213141516
17181920212223
24252627282930
31  
Formas
S'Urtima nova