> 2012 mes’e paschixèdda 10 | ilMinuto

Archíviu de sa diri 10/12/2012

Nùgoro afestat sa “Diri Deleddiana”

(IlMinuto) – Casteddu, 10 de su mesi de paschixèdda – S’isboddiant oi in Nùgoro a cumentzai de is 10.00, in s’Auditorium de su Museu Etnogràficu sardu, is afestus de sa “Diri Deleddiana”. Agoa de is saludus de is autoridadis at essi presentau su líburu “Aresti e pessosu furiat…” de Mercede Mundula, iscritora casteddaia chi at istudiau s’òpera de Grassia Deledda. A sighiri, sa proclamatzioni de is bincidoris de su Certamen Deleddianu, cuncursu asuba de sa figura e de s’òpera de s’autora nugoresa. Sighi a ligi ‘Nùgoro afestat sa “Diri Deleddiana”’

Mórigu Carbosulcis. Is apinnicus de Sinistra Critica sarda

(IlMinuto) – Casteddu, 10 de su mesi de paschixèdda – Sa situatzioni de sa Carbosulcis no fait dromiri sonnus asseliaus a s’organizatzioni indipendentista e anticapitalista Sinistra Critica Sarda. A apensamentai s’iscuadra indipendentista noa est sa figura ambígua de su diretori generali nou de sa Carbosulcis Mario Porcu, presidenti puru de sa Sotacarbo, sotziedadi “partecipata” Regioni-Enea chi tenit su cómpitu de presentai su progetu craboni límpiu. “Mario Porcu – afirmat Sinistra Critica Sarda – fintzas a oi at presentau po Carbosulcis scéti progetus afrentosus e disastrosus”. “De su Consillu regionali de su 18 de su mesi de cabudanni de su 2012 – si pretzisat – est lómpiu un’infossamentu de su management: est stétia aprovada una proposta chi previdiat a s’istresiada de is chi funt a capu de sa Carbosulcis (Mario Porcu puru). Un’atu políticu forti a su cali no funt sighius, fintzas a oi, atus cuncretus”. Furiat su 6 de su mesi de argiolas de su 2012 candu s’iscuadra indipendentista denuntziàt a sa situatzioni pagu crara chi ddoi est in Carbolsulcis. Sighi a ligi ‘Mórigu Carbosulcis. Is apinnicus de Sinistra Critica sarda’

“Un’atopu po fai crasesa”. S’arràbiu de is traballadoris ex Unilever

(IlMinuto) – Casteddu, 10 de su mesi de paschixèdda – Funt giai passaus cuàturu annus de su lissentziamentu e cincu de sa càscia integratzioni, ma is traballadoris de s’ex Unilever Casteddu de arburada Marconi no si frimant. Cun d-una lítera oberta pedint un’atopu chi acrarit su chi s’est nau in sa reunioni de su 31 de su mesi de ledàminis in sa domu de s’assessorau regionali de s’Industria, in arburada Trento. In cussa data ant chistionau de su tempus benidori de s’ex fàbrica de gelaus de Casteddu s’assessori regionali de s’Industria, s’assessori a su Traballu de sa Provìntzia de Casteddu, is segreterias cunfederalis Cgil e Cisl. Unu comitau de traballadoris, chi in d-unu primu mamentu iat ai dépiu pigai parti a s’atopu, agoa est stétiu eliminau de sa mesa de arburada Trento. “No si podit acetai – iscrirint is traballadoris – ca a unu mesi e mesu no si siat tenta una reunioni acraradora cun totus is sugetus interessauns po s’agiornai asuba de s’acontéssia, asumancu po fissai unu critériu e modalidadi de sighiri a sa luxi de cantu est bessiu a pillu su 31 de su mesi de ledàminis de su 2012. Sighi a ligi ‘“Un’atopu po fai crasesa”. S’arràbiu de is traballadoris ex Unilever’

Stop a is cadenas de nii obligatorias in sa 131

(IlMinuto) – Casteddu, 10 de su mesi de paschixèdda – At essi modificausu pragoni Anas chi at postu s’obrigu de gomas de nii o de cadenas a bordu de is màchinas de su chilómitru 137,900 a s ‘istrada istatali 131, in is provìntzias de Nùgoro e Tàtari. Fintzas a su 15 de su mesi de martzu – pretzisat una nota publicada in su giassu de sa Regioni Sardigna – is tzaferrus ant a depi arraspetai is línia ghias asuba de sa seguresa de sa Sotziedadi Tzivili, ma scéti candu ddoi s’agatant a faci de s’ “avisu de cunditzionis metereologicas malas bandiu de sa Presidéntzia de su Consillu de is Ministrus – Dipartimentu Amparu Tzivili, innoia si previdit nii e gelu”.

Prétzius in Casteddu: in su mesi de totussantus fruta prus cara (+4,9%)

(IlMinuto) – Casteddu, 10 de su mesi de paschixèdda – Si cuntzentrant prusatotu in is “Prodotus alimentaris e in bufóngius chentza de àrculu” (+0,8%) e “Comunicatzionis” (+0,7%)  is aumentus de is prétzius in Casteddu in su mesi de totussantus. Ddu fait isciri su comunicau de su mesi fatu connosci de su Serbítziu Sistemas informativus de su Comunu. Sighi a ligi ‘Prétzius in Casteddu: in su mesi de totussantus fruta prus cara (+4,9%)’

Biàgios

Social

Facebook     Twitter     Feed RSS  

In primu pianu

 

mes'e paschixèdda: 2012
L M M G C S D
« tot   gen »
 12
3456789
10111213141516
17181920212223
24252627282930
31  
Formas
S'Urtima nova