> Memorial Michele de Virgiliis, bitória Crusaders Casteddu | ilMinuto

Memorial Michele de Virgiliis, bitória Crusaders Casteddu

(IlMinuto) – Casteddu, 3 de su mesi de paschixèdda – Arcivada sa setima editzioni puru de su Memorial Michele De Virgiliis. Una giornada bera de isport e amigàntzia aprontada de is Crusaders Casteddu contra a is Raptors de sa Corsica, isboddiada in su Campu Isportivu Eliseo Corona Terramaini de arruga Crabas in Paùli. Crusaders Casteddu 30 – Raptors de sa Corsica 00 est s’arrasutau de sa gara chi s’est tenta sàbudu passau. Un’”amichevole” andada beni meda. Un’ispétzia de test contra a is giogadoris de s’ísula sorri innoia is Crusaders ant tendu sa possibilidadi de fai giogai a is arribus nous po isperimentai s’abilesa insoru a su giogu riali e a su cumportamentu cravadori de is aversàrius. Intre Crusaders e Raptors in Terramaini ddoi furiant una cincuantina de cascus. S’est aciuntu agoa un’àtera centina de personis, chi asegus de su rastrégliu ant acalmau e baddau, in d-una festa manna chi at amentau a Michele De Virgiliis, unu de is babus de s’iscuadra, capitanu, allenadori de sa defesa e vicipresidenti puru. A intregai su prémiu a s’scuadra de domu bincidora est mama Eleonora chi – si ligit in d-una nota de imprenta – “abetat in sa peagna a is gladiatoris sudadeddus e ddus premiat unu po unu, atrintzendi a s’itzugu sa medàlia chi ant a allogai beni in s’amentu de su fillu Michelone”.

© RIPRODUZIONE RISERVATA

0 Arrespustas a “Memorial Michele de Virgiliis, bitória Crusaders Casteddu”


Is cummentus funt serraus.
Biàgios

Social

Facebook     Twitter     Feed RSS  

In primu pianu

 

mes'e paschixèdda: 2012
L M M G C S D
« tot   gen »
 12
3456789
10111213141516
17181920212223
24252627282930
31  
Formas
S'Urtima nova