> 2013 mes’e gennàrgiu 25 | ilMinuto

Archíviu de sa diri 25/01/2013

Documentu: s’apellu de Su Majolu po s’isceberu de s’imparu de su sardu in iscola

Imparamentu de su sardu in iscola. Una possibilidadi didàtica e culturali manna

(IlMinuto) – Casteddu, 25 de su mesi de gennàrgiu – S’annu iscolàsticu chi benit is famílias de sa Sardigna ant a podi isceberai si fai imparai su sardu a is fillus insoru. A ddu fai isciri est s’ofítziu de imprenta de s’Assessori de sa Pública Istrutzioni, Benis Culturalis, Informatzioni, Ispetàculu e Isport Sergio Milia. Una novidadi bella meda e unu primu passu po torrai a donai dignidadi a sa língua de is Sardus. Giai in is cidas passadas s’assessori Milia iat sollicitau a su responsàbili ministeriali de s’iscola in Sardigna, Enrico Tocco, a sensibilitzai a is dirigentis de is autonomias iscolàsticas po s’insertamentu de s’iscéberu po s’imparamentu de sa língua sarda in is módulus de pre-iscritzioni po s’annu iscolàsticu 2013-2014. Un’arrespusta positiva, sa chi est lómpia de sa Diretzioni Iscolàstica, chi at imbiau una tzirculari a totus is capus de istitutu innoia si pedit s’apricu de sa normativa istatali in matéria. “Dógnia iscola, segundu su gradu de istrutzioni chi est lamada a gestiri, a su personali chi tenit, a is istruturas, a is resossas finatziàrias e professionalis – iscririt Tocco a is dirigentis iscolàsticus – fait su Pranu de s’Oferta Didàtica suu. Su curruculu obligatóriu podit essi duncas arricau e amanniau de àteras propostas didàticas”. Sighi a ligi ‘Imparamentu de su sardu in iscola. Una possibilidadi didàtica e culturali manna’

Documentu: isceberaus su sardu in iscola po fillus nostrus. Apellu de a Manca Pro s’Indipendentzia

Sa leze italiana 482 de su 1999 (artìculu 4, paràgrafu 5) riconnoschet a totus sos babbos e sas mamas sardas su diritu de isseperare si cheren chi lis imparen su sardu in iscola a sos fizos.

Isetande chi su pòpulu sardu apat sa soberania pro pònnere a òbricu su sardu e sas àteras limbas de Sardigna in totus sas iscolas e apat su potere de organizare sas iscolas de Sardigna cussiderande petzi sos bisonzos e sos interessos suos, depimus impreare custa leze pro lis facher imparare su sardu in iscola a fizos nostros.

In prus de deche annos sun istadas pacas sas iscolas chi an rispetau custu diritu de sas mamas e de sos babbos sardos, ca nemos at fatu rispetare sa leze e ca nen sas iscolas e nen sos mèdia an fatu ischire a sas famillias chi an custu diritu.

Ocannu, pro sa prima borta, s’Ufìtziu Regionale de sas Iscolas at rispetau sa leze e at mandau una lìtera a totus sas iscolas de Sardigna nàndeli chi depen pònnere s’optzione pro isseperare s’imparu de su sardu in sos mòdulos pro iscrìvere sos pitzinnos pro s’annu 2013/2014. Tando, dae ocannu, sas famillias poden isseperare in su mòdulu de s’iscritzione de lis imparare su sardu a sos fizos pro s’annu ch’intrat (b’at tempus finas a su 28 de frevarju).

Su chi nos timimos como est chi nen sas iscolas e nen sos mèdia lis facan ischire a sas famillias chi an custu diritu, e chi su bilinguismu dat vantàggios mannos pro imparare sas àteras limbas e totus sas matèrias e fintzas pro s’isvilùpu cognitivu de sos pitzinnos. Sighi a ligi ‘Documentu: isceberaus su sardu in iscola po fillus nostrus. Apellu de a Manca Pro s’Indipendentzia’

(Italiano) L’Arcat disapprova la delibera n.1777

Custu artìculu s\\\\\\\’agatat sceti in %LANG:

(Italiano) La figlia contrae un debito ed Equitalia pignora la pensione alla madre

Custu artìculu s\\\\\\\’agatat sceti in %LANG:

Biàgios

Social

Facebook     Twitter     Feed RSS  

In primu pianu

 

mes'e gennàrgiu: 2013
L M M G C S D
« pas   fià »
 123456
78910111213
14151617181920
21222324252627
28293031  
Formas
S'Urtima nova