> Unu cursu de sardu po is casteddaius | ilMinuto

Unu cursu de sardu po is casteddaius

(IlMinuto) – Casteddu, 13 de su mesi de fiàrgiu – “Unu cursu de língua sarda, chentza de ai pigau nisciunu finantziamentu públicu, a prétzius bàscius meda, pentzau prusatotu po is casteddaius”. Nàscia de unu diàlogu intre Miali Muntoni e Roberto Pingiori, sa bidea tenit comenti iscopu su de torrai a impitai su sardu in sa vida de dógnia diri imparendu a is iscientis casteddaius a iscriri beni. S’iscera de su casteddaiu est stétia fata po lompi a unu númeru prus mannu possíbili de personis. “Sa proposta – iscrirint is duus aprontadoris in d-una nota de imprenta – no est stétia fata po guadangiai e su dinai pediu at essi impitau totu po aparixai is contus”. Sa primu de is cuàturu letzionis in programa s’at a isboddiai cenàbara 22 de su mesi de fiàrgiu de is 17.00 a is 19.00. Ant a sighiri, is atopus de martis 26 de su mesi de fiàrgiu, cenàbara 1 de su mesi de martzu e martis 5 de su mesi de martzu. Sa domu de is atóbius at essi s’aposentu donau de s’assótziu DomuKratica, in arruga Tèmpiu 22 in Casteddu.

© RIPRODUZIONE RISERVATA

0 Arrespustas a “Unu cursu de sardu po is casteddaius”


Is cummentus funt serraus.