> 12 « mes’e marzu « 2013 « ilMinuto – notizie Mediterranee – edizione Sardegna

Archíviu de sa diri 12/03/2013

S’istória de Antonietta un’archeóloga in Tempus de Crisi

(In Tempus de Crisi) – Casteddu, 12 de su mesi de martzu – Un’archeóloga esperta in s’istúdiu de is ténnicas de isascradura de sa pedra de pistoni chi fait sa circa de dotorau in s’iscuadra de su Centru Natzionali po sa Circa Issentífica de Parigi, ghiada de s’istudiosu prus mannu in matéria. Est Antonietta Carboni, classi 1974, nadìa de Fonne. A pustis de sa laurea in Líteras clàssicas in s’Universidadi de Casteddu, in Francia Antonietta incumentzat a arai unu bisu incarrerendi su caminu de sa circa. Mancai aici sa giòvana circadora fonnesa no cuat is intopus chi oi agatat unu giòvanu laureau sardu, candu pigada sa laurea atumbat cun su mundu de su traballu. “Is arragus chi s’atopant circhendi unu traballu chi satisfit s’annestru fatu in is annus de s’Universidadi – afirmat – est unu problema chi ferrit a sa majoria de is istudiantis sardus”.

Sighi a ligi ‘S’istória de Antonietta un’archeóloga in Tempus de Crisi’

(Italiano) Carceri: a Buoncammino viene imposta la conta numerica notturna

Sighi a ligi ‘(Italiano) Carceri: a Buoncammino viene imposta la conta numerica notturna’

S’azienda petrolifera de is Moratti sighit a insìstiri in su progetu suu

(IlMinuto) – Casteddu, 12 de su mesi de martzu – Po sa Saras est arribau su mamentu de sa presentada de s’Istúdiu de Atùbidu Ambientali asuba de su Progetu Lianora. Mérculis 13 de su mesi de martzu at essi sa diri decisiva: in Aristanis sa Saras S.p.A a is 12.00, in is aposentus de un’hotel tzitadinu, “at a informai is media de s’incumentzu de sa procedura regionali de su Progetu Lianora e at a mostai su progetu e su chi contenit s’Istúdiu de Atùbidu Ambientali”. “Pigaus atu un’atera borta – afirmat su Comunitau cívicu ‘No a su Progetu Lianora’ – ca sa Saras no est interessada a su chi pentzant is tzitadinus, is aministratzionis e is fortzas produtivas de Arborea e de sa provìntzia de Aristanis”. Mancai is delíberas de arrialia de seti comunus, duus unionis de comunus e de su Consillu Provìntziali de Aristanis, mancai s’arrialia amostada e tzerriada a boxi arta de totu su cumpartu sótziu produtivu e de is tzitadinus de Arborea, s’azienda petrolifera de is Morati sighit a afarrancai in su progetu suu de bogadura de idrocarburus in su coru de is satus agricolus de Arborea, acanta de s’oasi naturali de S’Ena Arrubia. Sighi a ligi ‘S’azienda petrolifera de is Moratti sighit a insìstiri in su progetu suu’

ProgReS: satisfatzioni po presentada púbrica in Aristanis

(IlMinuto) – Casteddu, 12 de su mesi de martzu – Espressat satisfatzioni Progetu Repùblica Aristanis po s’arrennescida bella meda de s’atopu de presentada chi s’est tentu sàbudu passau in sa saba de s’Assessorau provintziali a su Turismu in pratza Lianora in Aristanis. S’atóbiu de sàbudu passau est stétiu su primu de diversus atopus chi su cordinamentu de ProgReS Aristanis tenit idea de aprontai in totu sa Provìntzia. S’avenimentu, obertu de sa cordinadora regionali noa Ilaria Mura Perra e moderada de su responsàbili regionali a sa comunicatzioni Gianluca Collu, at biu puru is interventus de Massimeddu Musu Cireddu, responsàbili natzionali a s’organizatzioni, de su consilleri provìntziali Sebastian Madau, de su responsàbili regionali a s’annestru Frantziscu Sanna Carta e de su sustenidori nou de Progetu Repùblica Alberto Medda, chi, acrarenti is motivatzionis de su isceberu suu at afirmau “apu iscobertu s’indipendentismu scéti foras de sa Sardigna. Apu isceberau ProgReS po is printzius costitutivus suu e po sa seriedadi de su progetu, chi s’iscerat de s’indipendentismu chi seus avesus a biri, folkloricu e atesu de is abisóngius de is comunidadis”. Sighi a ligi ‘ProgReS: satisfatzioni po presentada púbrica in Aristanis’

In Serrenti una butega po fai un’ortu sinergicu

(IlMinuto) – Casteddu, 12 de su mesi de martzu – Elaborau de sa massaja ispagnola Emilia Hazelip, s’ortu sinergicu est unu métidu chi s’acapiat a s’indiritzu de sa “Permacoltura”, est a nai su cultivu permanenti, eternu, ecuilibriu e chi no finit mai, a s’acabbada de una coltivatzioni chi no est consumistica e chi de diversas circas asuba de s’impoberessimentu andat in diretzioni contrària a s’abusu-impitu agricolu mecànicu-chímicu chi est sa basi de sa coltivatzioni consumistica. S’ortu sinergicu at essi su protagonista de sa butega aprontada de s’Assótziu Qedora cun s’agiudu de su Comunu de Serrenti e de s’Assótziu Natzionali “Città della Terra Cruda”, previdiu po sàbudu 6 de su mesi de arbili in Serrenti. Sighi a ligi ‘In Serrenti una butega po fai un’ortu sinergicu’