> 2013 mes’e marzu 25 | ilMinuto

Archíviu de sa diri 25/03/2013

In Casteddu cun Scida un’atopu po chistionai de indipendentismu sardu

(IlMinuto) – Casteddu, 25 de su mesi de martzu – “Is fundamentus istóricus e políticus de s’indipendentismu sardu”. Est su títulu de su cunvegnu-dibàtidu aprontau po mérculis 27 de su mesi de martzu a cumentzai de is 17.30 in is aposentus de tzineteatru Nanni Loy acanta de sa domu de s’istudianti de arruga Trentinu in Casteddu. S’atopu, aprontau de su Cumitau de is Istudiantis Universitàrius “Scida 2013”, bolit essi unu mamentu acraradori e de cunfrontu po chistionai de is políticas indipendentistas e at a circai de fai luxi “asuba de s’istória política de sa Sardigna e asuba de is cusseguéntzias chi custa tenit oi cun s’iscopu de istallai is arrexonis istóricas de s’indipendentismu e s’abisóngiu políticu suu in sa Sardigna de oi”. S’avenimentu at essi obertu de unu caminu istóricu lestru “po cumprendi – si ligit in sa pàgini facebook dedicada a su cunvegnu – is arrexonis de sa tzerachia e de s’indipendentismu, e po cumprendi puru su cómpitu de is giòvanus in sa lota de liberamentu natzionali”. Sighi a ligi ‘In Casteddu cun Scida un’atopu po chistionai de indipendentismu sardu’

Su stàini de Pauli Pirri o Terramàini

(IlMinuto) – Casteddu, 25 de su mesi de martzu – Si ghetat su bandu!
Custu mengianu, in dia de mèrcunis 20 martzu 2013, funti torraus in su stàini de Terramàini, a is làcanas de Pauli e Pirri, is mangonis.
Custus ses mangonis matucus e arrùbius funti bènnius po sa primu borta in oi de ocannu in su stàini de Terramàini. A parti unu mangoni de culori murru, ca est unu pillonedhu de no prus de tres annus, e s’est apatau in su stàini in su mesi de Paschixedha de su 2012, femus de beranu de ocannu passau chi no biemus is mangonis mannus e arrùbius.
Custu stàini in s’istadi passada s’est smenguau fintzas a abarrai a cuàturu bortas prus pitichedhu de su chi est immoi. Sighi a ligi ‘Su stàini de Pauli Pirri o Terramàini’

In Casteddu “Sa trampa Birdi”, III seminàriu asuba de s’afàriu energeticu in Sardigna

(IlMinuto) – Casteddu, 25 de su mesi de martzu – S’at a isboddiai su 29 de su mesi de martzu chi benit, in s’àula 15 de sa Facoltadi de is Istúdius Umanisticus de S’Universidadi de Casteddu su III atopu de sa fibera de seminàrius dedicaus a s’afàriu energeticu in Sardigna. Sa proposta, chi at a biri is interventus de is menbrum de su Cumitau ProSardigna No Galsi, is de su Cumitau No Progetu Lianora e is de su No Igia de su Campidanu de Mesu, tenit comenti títulu “Sa trampa Birdi”. A pustis de is atopus de su 1 e de su 15 de su mesi de martzu, dedicaus a sa chímica birdi e a is biomassas e a su fotovoltaicu e termodinamicu, su seminàriu benienti at a fueddai de is formas noas de isfrutamentu de su territóriu sardu, chi, “funt acumpangiadas sèmpiri de prus de fueddus ‘bio’, ‘eco’, ‘iscera’ [...], ‘green’ ‘birdi, e tenint s’iscopu de cuai is interessus berus chi ddoi funt in giogu”. Sighi a ligi ‘In Casteddu “Sa trampa Birdi”, III seminàriu asuba de s’afàriu energeticu in Sardigna’

Tucat de su 12 de su mesi de arbili in Casteddu “Chistionus de isciéntzia”

(IlMinuto) – Casteddu, 25 de su mesi de martzu – Tenit comenti títulu “Chistionus de isciéntzia” sa fibera de avenimentus dedicau a is tremenesas de sa circa in mexina, in is campus de s’energia e de sa física chi s’at a isboddiai in Casteddu, in is aposentus de sa Mediateca de su Mediterràneu e in is de su THotel a cumentzai de su 12 de su mesi de arbili chi benit. Sighi a ligi ‘Tucat de su 12 de su mesi de arbili in Casteddu “Chistionus de isciéntzia”’

Is blocus de is programas informàticus ferrint a is tzitadinus. Sa denúntzia de SdR

(IlMinuto) – Casteddu, 25 de su mesi de martzu – “Is funzionamentus malus nàscius po mori de su blocu de is programas informàticus ferrint sèmpiri de prus a is tzitadinus disamparaus e apuridus”. Est cantu afirmat Maria Grazia Caligaris, presidenti de s’assótziu Sotzialismu Diritus e Reformas a faci de is diversus avisus de is clientis de sa Circoscritzioni 1 de Abbanoa, blocaus, de diris medas, a fai in is ufítzius de arruga Cornalias is diversas pràtigas, intre is calis is isciogadroxus, is “subentri”, is cuntrollus e sa condierra. Sa Circoscritzioni 1 de Abbanoa tenint cumpeténtzia po sa gestioni de s’àcua in totu sa provìntzia de Casteddu, “No si podit duncas pentzai – pretzisat sa presidenti de SdR – ca su programa informàticu ‘Logos’ potzat abarrai frimu po dexi diri e prus”. Sighi a ligi ‘Is blocus de is programas informàticus ferrint a is tzitadinus. Sa denúntzia de SdR’