> In Casteddu “Sa trampa Birdi”, III seminàriu asuba de s’afàriu energeticu in Sardigna | ilMinuto

In Casteddu “Sa trampa Birdi”, III seminàriu asuba de s’afàriu energeticu in Sardigna

(IlMinuto) – Casteddu, 25 de su mesi de martzu – S’at a isboddiai su 29 de su mesi de martzu chi benit, in s’àula 15 de sa Facoltadi de is Istúdius Umanisticus de S’Universidadi de Casteddu su III atopu de sa fibera de seminàrius dedicaus a s’afàriu energeticu in Sardigna. Sa proposta, chi at a biri is interventus de is menbrum de su Cumitau ProSardigna No Galsi, is de su Cumitau No Progetu Lianora e is de su No Igia de su Campidanu de Mesu, tenit comenti títulu “Sa trampa Birdi”. A pustis de is atopus de su 1 e de su 15 de su mesi de martzu, dedicaus a sa chímica birdi e a is biomassas e a su fotovoltaicu e termodinamicu, su seminàriu benienti at a fueddai de is formas noas de isfrutamentu de su territóriu sardu, chi, “funt acumpangiadas sèmpiri de prus de fueddus ‘bio’, ‘eco’, ‘iscera’ [...], ‘green’ ‘birdi, e tenint s’iscopu de cuai is interessus berus chi ddoi funt in giogu”. In custu cuntestu est de importu mannu su cómpitu pigau de is cumitaus popularis chi faint òpera de trisinamentu, isconcodrendi is slogan chi cuant is interessus pagu crarus impitaus po s’isfrutamentu energeticu de is territórius.

© RIPRODUZIONE RISERVATA

0 Arrespustas a “In Casteddu “Sa trampa Birdi”, III seminàriu asuba de s’afàriu energeticu in Sardigna”


Is cummentus funt serraus.