> Comunu de Tula aprovat Programa Serbítziu a sa Personi 2013 | ilMinuto

Comunu de Tula aprovat Programa Serbítziu a sa Personi 2013

(IlMinuto) – Casteddu, 11 de su martzu – Est stétiu aproau unus cantu de diris fait de su Consillu comunali de Tula su Programa de is Serbítzius a sa Personi po s’anniu 2013. Amostau de s’Assessori a is Políticas Sotzialis Maria Antonietta Schintu, su programa previdit interventus chi su grupu de majoria at pentzau de essi giustus e netzessàrius po assegurai s’àssiu de is tzitadinus e de sa comunidadi. Is atzioni previdias de su pranu pigant in cunsidériu sa personi cun is abisóngius, is debilesas, su sistema de relatzionis suus e su cuntestu sotziali innoia bivit. Amparai a is prus débilis e amenguai is causas chi donant istrobu a sa personi o a sa família, comenti s’auséntzia de rédditu, su no essi autonomus o su essi disàbili, funt is iscopus de s’aministratzioni. Po portai a cumprimentu su Programa – pretzisat Schintu – “s’at a impitai su dinai de su Bilànciu Comunali e su dinai de su “Fondo Unico Regionale” puru, mancai no siat seguru meda su quantum de is mantessi trasferimentus, cosa chi no permitit, a dolu mannu, una programatzioni chi si potzat cunsiderai chentza de adatadura afatantis a s’ecunumia de s’Enti po su tempus benidori”. Mancai is arragus s’intentzioni est comentisiollat sa de sighiri a assegurai s’amparu de is livellus essentzialis de is fainas sotzialis e sotziusanitarias”

© RIPRODUZIONE RISERVATA

0 Arrespustas a “Comunu de Tula aprovat Programa Serbítziu a sa Personi 2013”


Is cummentus funt serraus.