> ProgReS: satisfatzioni po presentada púbrica in Aristanis | ilMinuto

ProgReS: satisfatzioni po presentada púbrica in Aristanis

(IlMinuto) – Casteddu, 12 de su mesi de martzu – Espressat satisfatzioni Progetu Repùblica Aristanis po s’arrennescida bella meda de s’atopu de presentada chi s’est tentu sàbudu passau in sa saba de s’Assessorau provintziali a su Turismu in pratza Lianora in Aristanis. S’atóbiu de sàbudu passau est stétiu su primu de diversus atopus chi su cordinamentu de ProgReS Aristanis tenit idea de aprontai in totu sa Provìntzia. S’avenimentu, obertu de sa cordinadora regionali noa Ilaria Mura Perra e moderada de su responsàbili regionali a sa comunicatzioni Gianluca Collu, at biu puru is interventus de Massimeddu Musu Cireddu, responsàbili natzionali a s’organizatzioni, de su consilleri provìntziali Sebastian Madau, de su responsàbili regionali a s’annestru Frantziscu Sanna Carta e de su sustenidori nou de Progetu Repùblica Alberto Medda, chi, acrarenti is motivatzionis de su isceberu suu at afirmau “apu iscobertu s’indipendentismu scéti foras de sa Sardigna. Apu isceberau ProgReS po is printzius costitutivus suu e po sa seriedadi de su progetu, chi s’iscerat de s’indipendentismu chi seus avesus a biri, folkloricu e atesu de is abisóngius de is comunidadis”. Diversus is argumentus pigaus, de su contu de sa nàscida de ProgReS e de is valoris costitutivus suu a su métodu de traballu internu, a s’atividadi in Provìntzia, contada de su rapresentanti in Consillu Provìntziali a s’inteventu de Carta, chi at acrarau sa situatzioni chi oi bivit sa Sardigna e is diversus temas de afrontai po su fàbricu de unu “Pranu Istrategicu de guvernu” beru. Is traballus si funt concluius cun sa relata de su segretàriu natzionali Franco Contu, chi at remarcau cantu siant de importu mannu, po lompi a s’obietivu, sa cundivisioni e s’impignu comunu de totus is Sardus. Sa frimada benienti de Progetu Repùblica Aristanis est prevìdia po domínigu 17 de su mesi de martzu in Arborea.

© RIPRODUZIONE RISERVATA

0 Arrespustas a “ProgReS: satisfatzioni po presentada púbrica in Aristanis”


Is cummentus funt serraus.