> mes’e maju « 2013 « ilMinuto – notizie Mediterranee – edizione Sardegna

Archìviu de mes'e maju 2013

Is No radar “Capo Sandalo” no si frimant

(IlMinuto) – Casteddu, 31 de su mesi de maju – No si frimat sa gherra de su cumitau No radar “Capo Sandalo”, e po sàbusu 1 de su mesi de làmpadas, a cumentzai de is 10.00 fintzas a is 22.00, aprontat in sa pratza manna de Carluforte, a su costau de s’istàtua dedicada a su rei, unu banchitu de iscedas asuba de sa chistioni de is radas e de is pirìgulus malus chi teni po s’ambienti e po sa saludi

Ulìana si fait bella e si bistit de froris

(IlMinuto) – Casteddu, 31 de su mesi de maju – S’est isboddiada ariseru a mangianu, in su Ghetto de Casteddu, sa cunferèntzia de imprenta chi at presentau s’avenimentu “Ulìana in frori”, sa manifestada artìstica, culturali, de s’artesanau e de sa cosa de papai, chi at a allirgai de s’1 a su 24 de su mesi de làmpadas chi benit, is arrugas e is satus de su comunu nugoresu. A sa presentada ghiada de su diretori de sa domu de imprenta Tema Aldo Brigaglia, ant pigau parti puru is rapresentantis de is entis aprontadoris de sa proposta: su responsàbili de s’agentzia regionali Sardigna Promotzioni Renato Tommasi, su presidenti de sa Càmara de Comértziu de Nùgoro Agostino Cicalò e l’assessori a su Turismu de su Comunu de Ulìana Martino Salis. Po Tommasi, “Ulìana in frori” est “una proposta de valori mannu chi giuat po ndi fai bessiri a pillu su territòriu de aintru a petus de s’ìsula restanti, ma totu su territòriu sardu puru a s’Itàlia e a s’esteru”. Sighi a ligi ‘Ulìana si fait bella e si bistit de froris’

(Italiano) Documento: Esposto di a Manca contro caserma Pratosardo

Sighi a ligi ‘(Italiano) Documento: Esposto di a Manca contro caserma Pratosardo’

Monumentus Serraus arraspundit a Monumentus Obertus

(IlMinuto) – Casteddu, 31 de su mesi de maju – “S’Eni s’at furau su passau, si chitat de campai su presenti e si ndi iat a bolli liai agiummai unu tempus benidori chi siat su notru”. Funt custus is fueddus chi acumpangiant s’avenimentu “Monumentus serraus” aprontau po su domìnigu chi benit in Pòrtu Turre, a cumentzai de 11.00, de is cumitaus NO Chìmica Birdi-No Incinixadori e Cumitau Nurra Aintru. Un’atopu chi bolit arraspundi a s’Eni ca po su 2 de su mesi de làmpadas at a cuntzedi a su pùblicu, po sa primu borta, de podi amirai su Nuraxi Nieddu. Su giassu s’at a bon’a passai a no prus de 25 personis, chi s’ant a depi registrai a s’intrada presentendi sa carta de identidadi. Su Csoa Pangea Pòrtu Turri e NO Chìmica Birdi ant a pigai parti a sa cosa. Sighi a ligi ‘Monumentus Serraus arraspundit a Monumentus Obertus’

NUR 10


Disignu de Dottor Fonk