> 2013 mes’e maju 27 | ilMinuto

Archíviu de sa diri 27/05/2013

NUR 7

Disignu de Dottor Fonk

“Salvatzioni a mari” su bandu de su Comunu de Tàtari

(IlMinuto) – Casteddu, 27 de su mesi de maju – Ddoi at ai tempus fintzas a su 6 de su mesi de làmpadas chi benit, po presentai sa dimanda, frunia de su progetu-oferta, po lograi s’intregu de su serbìtziu “Salvatzioni a mari” po s’istadiabi 2013. Sighi a ligi ‘“Salvatzioni a mari” su bandu de su Comunu de Tàtari’

Is Cobas denuntziant sa vangàntzia de sa Dirigenti Iscolastica de Posada contra a is maistas contràrias a is quiz invalsi

(IlMinuto) – Casteddu, 27 de su mesi de maju – Sa Dirigenti Iscolastica Rigenti de s’Istitutu Cumprensivu de Pasada, Antonella Piredda, at incarrerau unu procedimentu disciplinai in is cunfrontus de duas maistas, Gonaria Carroni e Maria Andreana Deledda, in serbìtziu in s’iscola elementari de sa bidda. Est cantu denuntziant, cun d-una nota de imprenta is Cobas Sardigna, pretzisendi ca su 7 e su 10 de su mesi de maju passau s’invalsi at aprontau is proas de “valutatzioni natzionali” in totus is iscolas elementaris italianas, e ca po sa diri de su 7 de su mesi de maju iant lamau un’iscióperu de is iscolas maternas, de is elementaris e de su personali Ata, pròpriu po murmurai contra a is Quiz Invalsi e po fai faddiri is proas. Mantessi iscióperu est stétiu lamau su 14 de su mesi de maju passau in is iscolas médias, e su 16 de su mesi de maju passau in is superioris. In s’iscola elementari de sa Baronia totus is maistas, su 7 de su mesi de maju, ant pigau parti a s’iscióperu bòfiu de su sindacau, s’iscola est abarrada serrada e is quiz no funt stétius fatus, aici comenti est acontéssiu in medas àterus istitutus, siat sardus, siat italianas. In Sardigna is test, difatis, no si funt isboddiaus in totu is tres diris  in d-unu numeru mannu de iscolas, e in classis medas, gràtzias a s’adesioni manna chi at tentu s’iscióperu de maistus e traballadoris iscolasticus e de s’adesioni puru de tantis istudiantis de is superiorioris chi impari a is babus e mamas ant pigau su determinu de s’arringherai contra a “s’iscola de is istibignus”. ”Su 10 de su mesi de maju passau – pretzisat su comunicau de su sindacau – in s’iscola de Posada puru (mancai su fallimentu, po mori de s’iscióperu, de is quiz de su 7 de su mesi de maju), sa Dirigenti Iscolastica pretendiat, cumentisiollat, chi essant benias fatas fai is proas de matemàtica a is iscientis de is segundas classis e de sa cuinta classi de is elementaris”. Sighi a ligi ‘Is Cobas denuntziant sa vangàntzia de sa Dirigenti Iscolastica de Posada contra a is maistas contràrias a is quiz invalsi’

In Santu Sparau sa mostra de is sorris Cano “Fogu, Terra, Àcua”

(IlMinuto) – Casteddu, 27 de su mesi de maju – Liliana, Luciana e Maria Vittoria Ramous Cano, tres sorris, tres artistas, tres linguàgius de sa pintura diversus medas. Unu viàgiu in tre mundus aparaus impari po donai vida a bisus e arrefrèscias. “Fogu, Terra, Àcua” una mostra strangiada in Santu Sparau in su Museu de su Làdiri fintzas a su 2 de su mesi de làmpadas. Un’aparada chi est puru una baga ùnica innoia is òperas de is tres artistas s’ant a podi castiai in su matessi tempus in is su pròpiu logu. Sighi a ligi ‘In Santu Sparau sa mostra de is sorris Cano “Fogu, Terra, Àcua”’

Arragus in s’iscola primària “Iqbal Masih” de Cuartu Sant’Alèni

(IlMinuto) – Casteddu, 27 de su mesi de maju – S’Ufìtziu territoriali de su Miur no acordat, po s’annu iscolàsticu 2013/2014, duas classis a Tempus prenu a s’iscola elementari “Iqbal Masih” de Cuartu Sant’Alèni. Custu at a causai – si ligit in sa nota de imprenta firmada de su Presidenti de su Consillu de Istitutu – “unu dannu meda grai a is famìlias e a is iscientis chi s’ant a biri liada un’oferta de imparu chi tenint diritu de tenni e chi furiat stétia pedia a su mamentu de s’iscritzioni”. Un’assembrea, sa de arruga Inghirterra de genti determinada a difendi su diritu de is pròprius fillus e su diritu a su traballu, poita ndi liai su tempus prenu bolit nai creai arragus a famìlias innoia su babu e sa mama funt traballadoris e a ddus custringi a agatai un’iscola difarenti po is pròprius fillus, o a ddus obrigai a ddus mandai in d-un’iscola privada in d-unu mamentu de carestia manna. Sighi a ligi ‘Arragus in s’iscola primària “Iqbal Masih” de Cuartu Sant’Alèni’