> Contra a is impestadoris e a s’impestadura su sit in de su Cumitau NO Chìmica Birdi-No Incinixadori | ilMinuto

Contra a is impestadoris e a s’impestadura su sit in de su Cumitau NO Chìmica Birdi-No Incinixadori

(IlMinuto) – Casteddu, 16 de su mesi de maju – Est prevìdia po lùnis 27 de su mesi de maju, in camera de consillu in Tàtari, sa sighidura de s’incidenti dimostrativu, in giru de is averiguatzionis po s’impestadura de sa darsena e de is bunìficas mancadas de Pòrtu Turre, in cunfrontus de s’Eni e sòtzius. Po sa circustantzia su cumitau NO Chìmica Birdi-No Incinixadori at aprontau unu sit in chi s’at a isboddiai a incumentzai de is 10.00 a faci de sa domu de su Palatzu de Giustìtzia de sa primu tzitati turritana. S’impignu contra a s’impestadura e a is babus suus tambeni impunius benit mandau ainnantis chentza de pàsiu de su cumitau, chi in s’avenimentu fatu connosci atressu de Facebook, marcat: “Piagus parti e ddu naraus a s’Eni, chi depit in calisisiat manera aconciai e sanai, ma ddu naraus primu de totus a is pessimistas, a is chi funt fadiaus, a is arréndius. A totus is chi susprexant ca nci ant a bolli 20 annus. E Intzaras? Sir i Eni ddoi ant postu 50 annus a destrui totu! Imoi est arribau su mamentu de fabricai e su tempus benidori est su nostru”. A su scràmiu de Giustìtzia e Bunìficas Luegu, is de su cumitatu cumbidant a gherrai a su costau insoru a “totus is aministradoris, in primu arringhera  a sa Presidenti de sa Provìntzia, a is Sìndigus de su SIN de Tàtari e Pòrtu Turre e a is assessoris e a is consilleris de dògnia òrdini e gradu, presidentis industrialis, cunsortziaus, Coldiretti e Universidadi de Mexina, e a is operàjus ex, de oi e de su tempus benidori (?), a is sindacaus chi abarrant, a sa Torres,  a sa Dinamo e a is Candeleris!”.

© RIPRODUZIONE RISERVATA

0 Arrespustas a “Contra a is impestadoris e a s’impestadura su sit in de su Cumitau NO Chìmica Birdi-No Incinixadori”


Is cummentus funt serraus.