> mes’e maju « 2013 « ilMinuto – notizie Mediterranee – edizione Sardegna

Archìviu de mes'e maju 2013

Pàgina 2 de 13

S’istòria de Predu Frantziscu, una laurea pagu isfrutada e un’impignu mannu po liberai sa Terra sua

(In Tempus de crisi) – Casteddu, 30 de su mesi de maju – Predu Frantziscu, classi 1974. Unu caminu de istùdiu incumentzau in su Lizeu clàssicu de Nùgoro e sighiu in sa Facoltadi de Filosofia de Tàtari innoia pigat su tìtulu. Agoa de sa laurea is punnas de su piciocu nugoresu funt isciorrocadas arrepentinu a inghitzai pròpriu de s’ipótesi de s’imparamentu de sa matéria sua. Totus is ecas, si contat issu etotu, furiant serradas. “Apu imbiau dexinas e dexinas de lìteras, – si narat – a is iscolas pùblicas e a is de amaistramentu professionali, oferendumia de imparai filosofia o matérias chi fessant cumpatìbilis cun sa laurea mia”. E s’acrarat: “No apu arriciu arraspustas negativas, simplementi no apu arriciu nisciuna arraspusta”. E sighendi a allegai cun nos ndi bessit a pillu ca Predu at fatu traballus medas, sèmpiri in nieddu, po gàgius bàscius meda e sèmpiri chentza de podi isfrutai sa laurea sua. Est stètiu difatis, tzilleraju, operàju de fàbricus cobendi po isciacuapratus, imbrachinadori, ispartzidori de bolantinus e milla àterus. Chistionendi de sa laurea sua su nugoresu si marcat ca de unu parri de su traballu su tìtulu pigau no ddu at betiu de nisciuna parti, tambeni de mancu de custus tempus. “Ma no fueddu scéti de crisi económica – si pretzisat – fueddu de unu tempus innoia sa cultura est cuntziderada nudda de prus de una perdida de tempus, cosa po locus o desogu po sennoricheddus chi tenint su postu de traballu prontu”. “Biveus – sighit – in d-una sotziedadi chi donat atentzioni scéti a su dinai, a sa friolesa, a s’isciallóriu, a su bagassùmini siat fìsicu siat culturali. Po no fueddai de su de sa polìtica! Po si cumprendi, a 39 annus, tengu scéti tres mesis de contributus pagaus. Eja, apu nau tres mesis – s’arremaciat-. A sa pensioni no atrivu nimancu a nci pentzai”. Sighi a ligi ‘S’istòria de Predu Frantziscu, una laurea pagu isfrutada e un’impignu mannu po liberai sa Terra sua’

Galsi o no Galsi sa Sardigna no podit abarrai trancuilla

(IlMinuto) – Casteddu, 30 de su mesi de maju – At a tocai a abetai tambeni un’annu po isciri ita detzididura at essi pigada asuba de su cumprimentu de su gasdotu Galsi. De s’assembrea milanesa de sa sotziedadi Galsi (fata de sa Sfirs, s’Edison, s’Enel produtzioni, su grupu Hara e s’algerina Sonatrach) ndi bessit su determinu, pigau a s’acabu de s’atopu, de perlongai a su 31 de su mesi de maju de su 2014 is isceras apitzus de su finatziamentu de s’òpera, s’ùnica boxi contras, sa de Regioni Sardigna, chi definit s’òpera bene isestada po sa terra sarda e chi bit s’iscadèntzia noa estremada. Ma su frenu bòfiu de sa Sonatrach e is arreselus asuba de su metanodotu, nascint po mori de s’abascimentu mannu de is prétzius patiu su mercau de su gas, e chi duncas no iat a donai is fiantzas chi abisongiant po recumpensai su dinai chi s’iat a depi bogai po su Galsi atressu de un’investimentu mannu. Sighi a ligi ‘Galsi o no Galsi sa Sardigna no podit abarrai trancuilla’

Imoi toccat a issus: su fueddu a is traballadoris

(IlMinuto) – Casteddu, 30 de su mesi de maju – S’est tenta ariseru a mangianu, in sa domu de su Comunu de Pòrtu Turre, sa cunferèntzia de imprenta po presentai sa proposta populari “Ìsula de is disimperaus, fàbricas serradas, satus abandonaus… E imoi?”, chi s’at a isboddiai s’8 de su mesi de làmpadas e chi tenit s’iscopu de fai atopai totus is arreghèscias sardas incuadendi asuba de sa situatzioni produtiva, sotziali e de su traballu chi ferrit a s’ìsula. Una cunferèntzia chi at biu comenti a protagonistas medas boxis de su mundu de su traballu. Presentis puru su sìdigu de Pòrtu Turre Beniamino Scarpa acumpangiau de diversus consilleris comunalis. Oberta de Argentino Tellini, cascintregau, ex Vinyls, una de is boxis prus connotas de sa protesta de s’ìsula de s’Asinara “S’ìsula de is cascintregaus”. Tellini at illustrau is chi ant essi is temas de su dibàtidu e at arremaciau ca custu avenimentu no s’at a isboddiai in crai anti sindacali, ma bolit essi s’inghitzu de un’allegada chi at a tenni comenti a protagonistas is chi fatuvatu no tenit boxi, est a nai: is traballadoris e is disimperaus. Diversas realidadis, diversas arreghescias, una prus grai de s’àtera. Agoa de Tellini ant pigau su fueddu àterus rapresentantis de su mundu de su traballu donniunu cun is arragus suus. Sighi a ligi ‘Imoi toccat a issus: su fueddu a is traballadoris’

(Italiano) No ai nuovi radar a Porto Torres, Olbia e Carloforte. Sis-Ma: “Pronti alla lotta”

Sighi a ligi ‘(Italiano) No ai nuovi radar a Porto Torres, Olbia e Carloforte. Sis-Ma: “Pronti alla lotta”’

NUR 9

Disignu de Dottor Fonk