> Is baleneddas passant s’ierru in Sardigna « ilMinuto – notizie Mediterranee – edizione Sardegna

Is baleneddas passant s’ierru in Sardigna

(IlMinuto) – Casteddu, 21 de su mesi de maju – Passant s’ierru in Sardigna is baleneddas. Est custu s’arresutau de unu programa de circa iscientìfica e de annestru po s’averiguamentu annósigu de sa prisèntzia de is “cetacei” in su Tirrenu tzentrali chi at atzertau ca is baleneddas passant s’ierru in is “Bucchi di Bunifaziu”. Sa circa fata totu s’annu apitzus de is bastimentus de lìnia, at permìtiu s’istùdiu chi at averguau comenti is càstius de is baleneddas acontessant po su prus in su Mari de is Balearis in s’istabi e in su sistema de is “Bucchi di Bunifaziu” in s’ierru. In definitóriu s’istùdiu est de importu mannu siat po allogamentu de is baleneddas in su Mediterràneu siat po cumprendi is cumpangius, chi pagu si connoscint, de s’ emigratzioni de s’ierru. “Su tretu de sa Sardigna – si ligit in d-una nota de imprenta – iat a podi essi, difatis unu logu de su ierramentu sigundàriu”. Est stétiu gràtzias unu finantziamentu de sa Fondatzioni Cariciv, comenti pretzisat Ilaria Campana, una de is circadoras impinniadas in su progetu, chi “Seus arrenescius a alladiai is conoscéntzias asuba de sa priséntzia de is ‘cetacei’ in ierru in su Tirrenu tzentrali in su tretu intre su portu de Civitavecchia e sa Sardigna”

© RIPRODUZIONE RISERVATA

0 Arrespustas a “Is baleneddas passant s’ierru in Sardigna”


Is cummentus funt serraus.