> Lipu s’Alighera denuntziat sa derruta de su Cavall Marì | ilMinuto

Lipu s’Alighera denuntziat sa derruta de su Cavall Marì

(IlMinuto) – Casteddu, 28 de su mesi de austu – Est stétia fata connosci su 26 de su mesi de austu passau de sa Lipu sa denúntzia chi pertocat sa situatzioni de derruta ambientali manna chi ferrit a su Cavall Marì de s’Alighera, logu istòricu chi agatat in su scaru de sa tzitadi catalana. “Su Cavall Marì” – si ligit in d-una nota fata connosci atressu de su social network prus connotu facebook – dessintotu discuidau est a custu puntu unu muntronaxu asuta de su soli, un’afurconada a s’ogu de su turista e de is tzitadinus, chi lompint de su mari e de terra”. Unu de is “biglietto da visita” prus importantis de una tzitadi turistica si presentat duncas posta mali meda”. Su Cavall Marì, ddu amentaus, est unu fàbricu chi s’Aministratzioni comunali aligheresa depit ghiai po contu de sa Regioni Autònoma de Sardigna. Acanta de s’àliga chi de su fàbricu acabat in mari, sa Lipu afedat su fragu malu puru de alloina in su tretu acanta de s’istrutura

© RIPRODUZIONE RISERVATA

0 Arrespustas a “Lipu s’Alighera denuntziat sa derruta de su Cavall Marì”


Is cummentus funt serraus.