> mes’e cabudanni « 2013 « ilMinuto – notizie Mediterranee – edizione Sardegna

Archìviu de mes'e cabudanni 2013

(Italiano) Rischi aborto a Buoncammino

Sighi a ligi ‘(Italiano) Rischi aborto a Buoncammino’

(Italiano) Todde e “Gli indipendentisti al metro cubo” risposta aperta dell’intellettuale Luana Farina

Sighi a ligi ‘(Italiano) Todde e “Gli indipendentisti al metro cubo” risposta aperta dell’intellettuale Luana Farina’

Documentu: solidariedade de Su Majolu a is giòvanos sardos chi sunt gherrende pro sos istitutos de sas biddas issoro

S’assòtziu Su Majolu cheret fàghere is augùrios a is 200.000 istudiantes sardos chi in custas dies sunt comintzende s’annu nou de iscola, ischende chi pro istudiantes meda at a èssere semper prus matanosu àere riconnotu su deretu a s’istùdiu. Esprimimus sa solidariedade nostra a totu is giòvanos sardos chi sunt gherrende pro mantènnere abertos e autònomos sos istitutos de sas biddas issoro, e chi ant giai comintzadu a organizare protestas e maniferstatziones. Una responsabilidade manna meda pro custa situatzione est de s’amministratzione regionale, chi no est istada mancu capassa de isfrutare su pagu podere autònomu chi at, pro cambiare su pianu de dimensionamentu iscolàsticu, pensende a is bisòngios de is giòvanos sardos. Imbetzes de si preocupare de sos interessos de sos istudiantes sardos, sa Giunta regionale at mustradu de èssere interessada petzi a sighire sos inditos de su Ministeriu italianu de risparmiare in s’istrutzione, e at aprovadu unu pianu iscolàsticu chi unit deghinas de istitutos in totu sa Sardigna, ponende fatu a sa traditzione de tzerachia e servilismu chi nos ant abituadu a suportare sos guvernos regionales sardos.Su sistema iscolàsticu in Sardigna est mustrende semper de prus sa decadèntzia sua, sighende sa rughina de un’istitutzione chi nche l’ant pensada prus pro italianizare is sardos in sa limba e in sa cultura, chi non pro garantire a sos pitzocos sardos un’istrutzione bona e, gràtzias a cussa, unu mègius cras a totu su pòpulu sardu.

Sighi a ligi ‘Documentu: solidariedade de Su Majolu a is giòvanos sardos chi sunt gherrende pro sos istitutos de sas biddas issoro’

In Tàtari torrat “Boxi de fémina”

(IlMinuto) – Casteddu, 18 de su mesi de cabudanni – Po su 2013 Tàtari  torrat a propòniri s’avenimentu “Boxi de fémina”. Una de is  is rassignas abetadas de prus de s’ atòngiu tataresu, “Boxi de fémina” s’at a isboddiai de su 20 de su mesi de cabudanni a su 10 de su mesi de ladàminis chi benit. Sa manifestada est stétia aprontada de sa coperativa Teatru e/Mùsica cun s’agiudu de s’aministratzioni comunali de Tàtari. “S’avenimentu – si ligit in d-una nota de imprenta – comenti sèmpiri aghillit puru s’editzioni 2013 de is diversas formas de arti totus espressadas de is féminas, proponendi performance musicalis e teatralis, protagonistas connotas e progetus originalis chi s’ant a movi intre su Teatru Verdi e su Palatzu de Tzitadi”. Sighi a ligi ‘In Tàtari torrat “Boxi de fémina”’

(Italiano) Vittoria contro la truffa delle prove Invalsi al “Primo Levi” de Pitz’e Serra

(IlMinuto) – Casteddu, 17 de su mesi de cabudanni – De su nostu giassu internet nou nou, apu scarrigau totu s’ùrtimu nùmuru 51 de su giorronnali, su de Austu – Cabudanni. Apu gigantugopiau is primus cuàturus pàginis po mi dhas lìgiri e m’agiudai po fuedhai a su Cunlègiu, stravanadas.

De sa primu pàgini nd’apu fatu prus de coranta fotugòpias, in A4, e unas cantu dhas apu postas in aula Prof, a pustis unas àteras dexi dhas apu fatas girai in mei de is Cunlegas Ata. Cun cudhas fotugopias chi mi funti abarradas dhas apu donadas a is Cunlegas in s’interis de su Cunlègiu.

Seus partius cun àturus professoris a fàiri is interventus e custa borta eus spricau beni beni sa trassa de is provas Insulsi, ita funti e aundi lompint. Narendi ca in is natzionis aundi dhas anti gia fatas, e giai lassadas, srebiant a serrai, antzis de dhas agiudai, is scolas popularis, aundi s’instrutzioni e is letzionis parint prus che una Sartìllia totu avolotada.

Ma custa borta seus arrennèscius a furriai s’arrisurtau, malu, de s’annu passau, sceti 8 votus contras s’Insulsi.

Po ndi sciri de prus e mellus, cracai innoi. Sighi a ligi ‘(Italiano) Vittoria contro la truffa delle prove Invalsi al “Primo Levi” de Pitz’e Serra’