> 2013 mes’e cabudanni 17 | ilMinuto

Archíviu de sa diri 17/09/2013

(Italiano) Vittoria contro la truffa delle prove Invalsi al “Primo Levi” de Pitz’e Serra

(IlMinuto) – Casteddu, 17 de su mesi de cabudanni – De su nostu giassu internet nou nou, apu scarrigau totu s’ùrtimu nùmuru 51 de su giorronnali, su de Austu – Cabudanni. Apu gigantugopiau is primus cuàturus pàginis po mi dhas lìgiri e m’agiudai po fuedhai a su Cunlègiu, stravanadas.

De sa primu pàgini nd’apu fatu prus de coranta fotugòpias, in A4, e unas cantu dhas apu postas in aula Prof, a pustis unas àteras dexi dhas apu fatas girai in mei de is Cunlegas Ata. Cun cudhas fotugopias chi mi funti abarradas dhas apu donadas a is Cunlegas in s’interis de su Cunlègiu.

Seus partius cun àturus professoris a fàiri is interventus e custa borta eus spricau beni beni sa trassa de is provas Insulsi, ita funti e aundi lompint. Narendi ca in is natzionis aundi dhas anti gia fatas, e giai lassadas, srebiant a serrai, antzis de dhas agiudai, is scolas popularis, aundi s’instrutzioni e is letzionis parint prus che una Sartìllia totu avolotada.

Ma custa borta seus arrennèscius a furriai s’arrisurtau, malu, de s’annu passau, sceti 8 votus contras s’Insulsi.

Po ndi sciri de prus e mellus, cracai innoi. Sighi a ligi ‘(Italiano) Vittoria contro la truffa delle prove Invalsi al “Primo Levi” de Pitz’e Serra’

In Biddacidru sa XXVIII editzioni de su Prémiu Dessì

(IlMinuto) – Casteddu, 17 de su mesi de cabudanni – Est totu apariciau po sa XXVIII editzioni de su cuncursu literàriu dedicau a s’iscritori sardu Giosepu Dessì. S’avenimentu, chi tenit s’agiudu de su Ministeru po is benis e is Fainas Culturalis, de s’Assesorau de sa Pùblica Istrutzioni e Benis Culturalis de sa Regioni Autònoma de Sardigna, de su Comunu de Biddacidru, de sa Fondatzioni Bancu de Sardigna, de su GAl Monti Linas e de Lìberos puru, at essi comenti sèmpiri aghilliu in Biddacidru, sa tzitadina de su Campidanu de Mesu innoia Dessì iat biviu su perìodu de sa primu istrutzioni sua e chi at fatu nasci diversus iscritus, intre custus su romanzu prus connotu, “Bidda de umbras” (Prémiu Strega in su 1972). Oi in Biddacidru s’at a oberri unu programma arricu de atopus chi s’at a serrai domìnigu 22 de su mesi de cabudanni cun sa cirimònia chi at a annuciai is bincidoris de is duas setzionis literàrias in cuncursu: narrativa e cantzoni. Sighi a ligi ‘In Biddacidru sa XXVIII editzioni de su Prémiu Dessì’

S’assòtziu Antoni Gramsci amentat a Salvador Allende eatualidadi de s’”allendismo”

(IlMinuto) – Casteddu, 17 de su mesi de cabudanni – “Bivat su Cile! Bivat su pòpulu! Bivant is traballadoris! Custus funt is ùrtimus fueddus mius e tengu sa seguria ca su sacrifitziu miu no est inùtili. Tengu sa seguria ca, assumancu, ddoi at essi una letzioni morali chi at a castigai sa vilesa, su atrevimentu e sa traitoria”. Funt is fueddus de Salvator Guillermo Allende Gossens. In mamòria de su polìticu cilenu, primu Presidenti marxista elìgiu democraticamenti in is Americas, a 40 annus de sa morti sua e de su cumentzu de sa ditadura de su generali Pinochet s’Assòtziu culturali Antoni Gramsci de Casteddu, cun s’agiudu de su cìrculu casteddaiu de s’Assòtziu Itàlia-Cuba e cun cuntributu de s’Universidadi de is Istùdius de Casteddu, at fai sa cuferéntzia “Su Cile e s’allendismu agoa de 40 annus”.

Sighi a ligi ‘S’assòtziu Antoni Gramsci amentat a Salvador Allende eatualidadi de s’”allendismo”’

Aumentu Tares foras de contu. A Manca: “unu dannu po is tzitadiunus nugoresus”

(IlMinuto) – Casteddu, 17 de su mesi de cabudanni – “S’istadu italianu e s’aministratzioni comunali nugoresa no dda acabant de afarruncai is busciacas de tzitadinus cun arrèghescias chi no funt acapiadas po nudda a is serbìtzius de donai a totu sa genti, ma chi antzis serbint comenti sèmpiri a ingrussai is càscias de s’Istadu italianu [...] e de pagus privaus”. Est s’osserva grai fata de a Manca pro s’Indipendentzia, chi denuntziat s’aumentu foras de contu de sa pagamenta noa asuba de s’àliga, sa Tares, pretzisendi ca po calencunu s’aumentu lompit a su 500% a petus de s’annu passau. “Una pagamenta aumentada chi bolit essi calcolada de s’istadu italianu asuba de sa cantidadi presùnta a s’annu de arrefudus, e s’aministratzioni comunali asubapuru de su serbìtziu de arragota e de smartimentu arrefudus”. Sa cosa prus istrambeca est perou donada de su fatu ca “imbecis de arresparmiai de su riciclu, chi andat a atratzai de matéria primas calencuna azienda privada, si pagat de prus. In pràtiga si pedit a su tzitadinu un’impignu po apariciai sa matéria prima chi issu at a depi arregalai a chini agoa dda torrat a bendi scéti a benefìtziu suu, e po assùrdu ddu obrigat a pagai puru unu contu grai meda!”. Sighi a ligi ‘Aumentu Tares foras de contu. A Manca: “unu dannu po is tzitadiunus nugoresus”’