> mes’e ledàminis « 2013 « ilMinuto – notizie Mediterranee – edizione Sardegna

Archìviu de mes'e ledàminis 2013

Est bessia sa “Ghia istòrigu-turìstiga de Sant’Itòria de Serri”

(IlMinuto) – Casteddu, 29 de su mesi de ladàminis – Cenàbura su ses de ladàmini est stètia presentada in sa Giara de Serri, in mesu de is sgavus de custu tzentru de atòbiu federali de is nuraxichesus, custu trabballu apitzus de is arrichesas archiulògigas chi nci funti in sa bidha e in is làcanas de issa etotu. Nci fenta medas scientis de is scolas ilementaris, mèdias e de s’universidadi castedhàja. Sa ghia est stètia torrada in frantzesu, spanniolu, ingresu, itallianu, tedescu e in duus arresùmius prus curtzus de is àturus in lìngua portughesa e tzinesa. Bellu trabballu in duna bella prentada, in totu funti noranta pàginis; de bella bisura e de bonu manìgiu po su chi pertocat mannària de sa pubrigatzioni.
Ma ligeisia unu arrogu de custa bella bidea po cannosci prus mellus s’istòria, sa lìngua e is siendas de una de is cussòrgias prus stravanadas de sa Sardìnnia. Sighi a ligi ‘Est bessia sa “Ghia istòrigu-turìstiga de Sant’Itòria de Serri”’

Cumentzat in Dèsulu sa Primu rassigna de su sonetu e de su folklori

(IlMinuto) – Casteddu, 29 de su mesi de ladàminis – Cumentzat sàbudu 2 de su mesi de totussantus a cumentzai de is 18.00, sa Primu rassigna de su sonetu e de su folklori de Dèsulu. S’avenimentu, chi s’antat aintru de s’atopu Atòngiu in Barbaza 2013 e Sa Muntagna produsit 2013, s’at asboddiai in sa prazixedda in sa parti de ananti de is scolas. Sighi a ligi ‘Cumentzat in Dèsulu sa Primu rassigna de su sonetu e de su folklori’

Cumentzat oi su cursu de lìngua e cultura italiana po furesteris

(IlMinuto) – Casteddu, 29 de su mesi de ladàminis – Cumentzat oi in arruga Lianora de Arborè 10 in Casteddu, a cumetzai de is 15.30, su cursu de lìngua e cultura italiana po furesteris aprontau de s’assòtziu Alfabetu de su Mundu. “Su cursu, – si ligit in d-una nota de imprenta – fillu de annus meda de esperiéntzia in s’imparamentu de sa lìngua italiana a is furesteris cun professoris espertus e cualificaus, est indiritzau a is furesteris chi s’acostant po sa primu borta a su stùdiu de sa lìngua italiana”. Is letzionis tenint s’obietivu de donai a is studentis is elementus essentziali de sa gramàtiga e sintassi, puntendi prusatotu a ghetai is funtamentas po una comunicatzioni bona. Sighi a ligi ‘Cumentzat oi su cursu de lìngua e cultura italiana po furesteris’

Pranu Paisagisticu de is sardus: sa bulladura de su Fronte Indipendentista Unidu

(IlMinuto) – Casteddu, 28 de su mesi de ladàminis – Totu o casi totu  est permìtiu in campagna eletorali, e su guvernadori de sa Regioni sarda circat de si giogai is cartas suas. Est aici chi donendiddi unu sabori druciatzu, lamat su Ppr nou “pranu paisagisticu de is sardus”. Peròu, s’ogu atentu de is indipendentistas de su Fronte Indipendentista guastat is giogus de su Presidenti de Regioni Autònoma de Sardigna. “Su Fronte Indipendentista Unidu – si ligit in d-una nota de imprenta – si nd’agatat de su fatu ca Ugu Cappellacci, po mori de is eletzionis benientis est cun craresa perdendi sa passéntzia i est circhendi de recuperai cunsensus eletoralis po fai scaresci is cincu annus de inértzia de sa giunta sua chirchendi de fai aprovai unu pranu paisagisticu, tzerriau cun demagogia ‘de is sardus’”. Sighi a ligi ‘Pranu Paisagisticu de is sardus: sa bulladura de su Fronte Indipendentista Unidu’

In Cala Moresca est lòmpiu su Cumossàriu

(IlMinuto) – Casteddu, 28 de su mesi de ladàminis – In Cala Moresca su 22 de su mesi de ladàminis est lòmpiu su cumosàriu a nci bogai a sa famìlia Sale, chi de tres inzénnerus bivit in d-una domu de 50 mq chi s’incarat in su mari. Ingunis, sa famìlia est calculada e connota prusatotu po su serbìtziu de càstiu e volontariau sboddiau po amori de is mufronis e de totus is animabis chi bivint in is terras de cussu tretu. Una subrafaci currispundit a totu su promontòriu, chi est de propriedadi legali de sa famìlia Tamponi, meri de sa domu puru. Sa gherra intre sa famìlia Sale, chi pretèndiri su possessu po “usucapione”, e is Tamponi est po su berus cumentzada tempus fait, ma su primu round, a petus de su giugi de su Tribunali de Tèmpiu, est stétiu bintu de is Tamponi. Sighi a ligi ‘In Cala Moresca est lòmpiu su Cumossàriu’