> “Su sardu una lìngua ‘normali’”: cenàbara presentada in Casteddu « ilMinuto – notizie Mediterranee – edizione Sardegna

“Su sardu una lìngua ‘normali’”: cenàbara presentada in Casteddu

(IlMinuto) – Casteddu, 26 de su mesi de totussantus – At essi presentau su 29 de su mesi de totussantus chi benit a is 17.30 in sa saba cuferèntzias de s’Unioni sarda, in pratza s’Unioni sarda in Casteddu, su lìburu de Pepi Corongiu, diretori de su Serbìtziu Lìngua Sarda de sa Regioni Autònoma de Sardigna, chi tenit comenti tìtolu “Su sardu una lìngua ‘normali’” e bessiu po is Editzionis Condaghes. Publicau unus cantu de mesis fait, su lìburu at allutu una dibata manna in is media de s’ìsula. A chistionai cun s’autori ddoi ant essi Vitu Biolchini e Antoni Muroni, mentras is “Lucide” de Lucido Sottile ant a ligi calencunu passu de s’òpera. “In custu lìburu – ligeus in d-una nota de imprenta – si donat unu càstiu nou, amantiosu, documentau e craru de sa situatzioni linguìstica de sa Sardigna”. “Unu traballu – si sighit – chi circat de torrai a donai a su sardu, sa normalidadi sua de lìngua amada e fueddada de is sardus in s’arrespetu de is pòpolus”

© RIPRODUZIONE RISERVATA

0 Arrespustas a ““Su sardu una lìngua ‘normali’”: cenàbara presentada in Casteddu”


Is cummentus funt serraus.