> 06 « mes’e totussantus « 2013 « ilMinuto – notizie Mediterranee – edizione Sardegna

Archíviu de sa diri 6/11/2013

Armas a s’armada, agatada una cosa e illuegus dha imperant po is sordaus e is guerras

Cosas, siendas, personis, costumàntzias

e instidutzionis funti de arrelativitzai

Sa «Gazeta Populari»

giorronnali dimugràtigu sardu

n° 28, de su 3 Friaxu 1864

Variedadi

Su Coca. A tundu de is propriedadis alimentosas e strumbullosas de su “Coca peruvianu” si ligit in su giorronnali frantzesu “Revue Marittime et coloniale” s’assentu chi sighit:

«Su coca de su Perue (Ærythroxycon coca) tenit in su prus mannu gradu facurtadis strumbulladoras. Is follas, matziadas a buconis mèdius, de tres in tres oras, ponint a una personi in is cunditzionis de fàiri a de mancu de papai po assumancu tres diis, e dhu fait in su matessi tempus capassu de un straordinàriu svilupu de is fortzas fìsigas, sarbendidhu de is maladias de su crima malu de cudhu logu, donendidhu unu bellu prexeri de «bon èssiri» e de giogusidadi. Sa sustàntzia strumbulladora cosa sua ndi sòdigat de tres bortas cussa de su cafeu e de cuàturu bortas sa de su theu.

«S’iat a porri a nàrriri de pigai po totu s’armada s’imperai de su coca, su prus po candu si bandat a fàiri màrcias trabballosas medas, chi potzant èssiri sighias de cumbatimentus a fàcia de pari.

«Is minadoris e is biaxadoris dh’imperant candu dhis serbint a trabballai o caminai, chentza de pàsiu, po cuàturu diis de sighiu. Acadessimentus de prus meda spantosus si contant de is perubianus, in s’imperai de custu mandiari; ma no est meda de crei ca is oropeus, noncora avesus a dh’imperai, potzant gosai e bìviri is matessis cosas chi bivint is perubianus. Nidemancu su dutori Mantegazza, de Milanu, narat ca, mancai issu fudi de dèbbili contumaxi, s’iat pòtziu aguantai po coranta oras asuta de su spèdhiu de su coca, chentza de tastai àterus mandiaris, e ca in su matessi tempus no iat intèndiu mancunu maliori. Su dipartimentu de sa marina frantzesa circat giai de imoi de imperai custa sienda; e at fatu una pregontada de pisus de su coca a su cònsulu generali incarrigau de is fainas de Frantza in su Perue, po circai de acrimatai custa mata in is culùnias».

Sighi a ligi ‘Armas a s’armada, agatada una cosa e illuegus dha imperant po is sordaus e is guerras’

Documentu: nota de imprenta Fronte Indipendentista unidu asuba de Su G8

Su Fronte Indipendentista Unidu pensat chi su presidente Cappellacci siat chirchende de si fàghere una campagna eletorale a palas de su bilantzu econòmicu sardu. Non cumprendimus comente faghet sa Regione a nàrrere de èssere cuntenta pro s’Acòrdiu chi at firmadu su 29 de santugaine in Roma paris cun su Ministèriu pro s’Ambiente e su Comunu de Sa Maddalena.

Sa Regione Sarda, chi no aiat chèrfidu a si costituire comente “parte tzivile” in su protzessu pro acrarare sa birgòngia de is bonìficas pro su G8, chi non las ant fatas mancari apant giai gastadu 31 miliones de dinari pùblicu, como at a pagare 5.400.000 euros pro fàghere is bonìficas, paghende-las a mesu a pare cun s’Istadu italianu, e custu a sa Giunta regionale li paret una vitòria manna. A pustis chi nos ant frigadu, como nos pigant fintzas in giru. Is dannos ambientales chi sunt curpa de sa militarizatzione de sa terra nostra, chèrfida dae s’istadu italianu, como nos los depimus pagare nois sardos. Sighi a ligi ‘Documentu: nota de imprenta Fronte Indipendentista unidu asuba de Su G8′