> 2013 mes’e totussantus 11 | ilMinuto

Archíviu de sa diri 11/11/2013

Su primu catàlogu de is produtzionis naturalis e sustenìbilis in Sardigna

(IlMinuto) – Casteddu, 11 de su mesi de totussantus – Est stétiu presentau in Boàtiri su 5 de su mesi de totussantus passau de Sardigna Circas su primu catàlogu de is produtzionis naturalis e sustenìbilis in Sardigna. Sa publicatzioni arragollit diversas produtzionis de is territòrius fatas cun s’impitu de is materialis naturalis tipicus de sa traditzioni e de sa cultura sarda, is chi si funt otentus impitendi  is materialis de arreusa. S’òpera est fata in tres perras: sa primu est dedicada a is produtzionis catalogadas po matéria impitada: ortigu, fibras naturalis, materialis de pedra, sustàntzias naturalis, linna, làdiri, materialis de “riciclo”; sa segunda chistionat de is serbìtzius po sa “bioarchitettura”; sa terza portat s’elencu de is aziendas e de is professioneris chi pigant parti a sa proposta. Sighi a ligi ‘Su primu catàlogu de is produtzionis naturalis e sustenìbilis in Sardigna’

In su Spàtziu Akràtos de Casteddu Arrèxini presenta arrexini.info

(IlMinuto) – Casteddu, 11 de su mesi de totussantus – “Sa democràtzia est su poderi de unu pòpulu informau”, naràt Alexis de Tocqueville in Sa democràtzia in America. Informai est s’obietivu de su team de Arrèxini Sdr, chi su 15 de su mesi de totussantus chi benit, a cumentzai de is 18.30, in su Spàtziu Akràtos de arruga Napoli 62, bixinau Sa Costa de Casteddu, at a presentai arrexini.info, su giassu de informatzioni de is territòrius in moimentu. Sighi a ligi ‘In su Spàtziu Akràtos de Casteddu Arrèxini presenta arrexini.info’