> 2013 mes’e totussantus 19 | ilMinuto

Archíviu de sa diri 19/11/2013

Destrossas fatiscas. Fiu: “sa Sardigna guvernada in d-una cunditzioni de apretu bòfiu”

(IlMinuto) – Casteddu, 19 de su mesi de totussantus – Cleopatra messat vitimas, Cleopatra destruit un’ìsula intrea, agangada ai de su bentu e de s’àcua, ma prusatotu de su bentu e de s’àcua agiudaus de unu cumportamentu polìticu-aministrativu, chi de sèmpiri no at tentu arrespetu po su territòriu. Is mortis de òminis e bestias chi si registrant in is ùrtimas oras benint acriminadas a una natura bìdria, ma no funt is ùnicas pèrduas grais de s’ìsula. “Sa Sardigna est guvernada in d-una cunditzioni de apretu bòfiu!” – cumentant in d-una nota de imprenta is indipendentistas de su Fronte Unidu. Mannus meda is dannus matèrialis chi ferrint a is Sardus. In su tretu de Casteddu puru, innoia Cleopatra est stétia prus feritzosa, “su tempus malu” at fatu dannu a sa lìnia elètrica chi alimentat su potabilizatori de Simbirizzi. S’impiantu serbit is comunus de Casteddu, Cuartu Sant’Alèni, Ceraxus, Cuartucciu, Mara Calagonis, Sèttimu, Crabonaxa e Brucei. Sighi a ligi ‘Destrossas fatiscas. Fiu: “sa Sardigna guvernada in d-una cunditzioni de apretu bòfiu”’

Violèntzia apitzus de is fèminas: in Laboratòriu 28 “In sa domu. Contus de violèntzia in domu”

(IlMinuto) – Casteddu, 19 de su mesi de totussantus – Est prevìdiu po oi s’atopu dedicau a su tema de sa violèntzia contra a is fèminas “In sa domu. Contus de violèntzia in domu”. S’avenimentu, aprontau de su cìrculu de si tzìnema Ficc Laboratòriu 28, s’at a sboddiai in sa domu de su cìrculu in arruga Montesanto 28 in Casteddu Sighi a ligi ‘Violèntzia apitzus de is fèminas: in Laboratòriu 28 “In sa domu. Contus de violèntzia in domu”’

Sa Terra de su mortu

(IlMinuto) – Casteddu, 19 de su mesi de totussantus – Est abèrtia meteo oi puru in Sardigna. Una terra agangada de annus de polìtica sbagliada, chi in is ùrtimas oras scéti fait bessiri a pillu su totali disamparu suu a is ogus de su popòlu sardu. No est stòria noa, funt pàginis bias e torradas a biri e scarescias a s’incrasi de dògnia avenimentu “straordinàriu”. Funt 365 is diris de morti in Sardigna. Fogus, turbianas, bombas de àcua e no scéti custu tessint su bistiri de una terra chi no bit luxi. No s’agataus a faci de avenimenimentus aconcaus, ma a acontéssias bòfias e fabricadas po mori de s’abandonu e de sa speculatzioni. Sighi a ligi ‘Sa Terra de su mortu’