> 2013 mes’e totussantus 26 | ilMinuto

Archíviu de sa diri 26/11/2013

“Piessinnus me in sa scridura de Antoni Cossu in s’arrumanzu Mannigos de Memoria”

Sa lìngua chi at imperau Antoni Cossu

Unu primu apretziamentu a pitzus de sa lìngua, de sa grafia, de is bariantis e arrégulas imperadas de su scridori nostu, est ca Antoni Cossu tenit unu scriri lìmpiu e craru meda. In cussu tempus in ca fut stétiu scritu s’arrumanzu, su 1978/82, tempus innui su cuntrastu chi nci fiat po sa lìngua e sa grafia de su sardu fiat meda abbetiosu, fintzas intzandus nci fiant prupostas s’una contra a is àteras. Ma est de nai ca is arrexonamentus no fiant siguramenti lómpius a su tretu de callentura chi teneus in is diis de oi. Poita oi seus po lompi a scioberus de importu mannu meda po su benidori de sa lìngua sarda, andaus a forrogai in Mannigos de memoria po biri is ainas linguìstigas chi at imperau Antoni Cossu e chi calancunu de custus amostus si podint srebiri. Intzaras intraus illuegus me in su tribbàlliu de su nostu.

Po s’allobamentu de is cumboxis, issu dhas imperat po sa mellus parti, scimpras , simpris, ca su sistema linguìstigu sardu no dhas cràculat, a parti sa /bb/ /b/ cumuna a totu su sardu e sa /ll/ < /l/ piessinnu fintzas de sa cussòrgia arbarikesa:

mama, viagiare, fatu, veturas, cumerciu, oficinas, cumissione, ufiziu, cotu, epuru, apenas, oto, seti, afitu, fruta, note, caminenne, inie, deferentzia, papadu, imaculada, tragheto, acabbadu, prefete, dotori, befe, etc …

Aici puru in calancunu fuedhu allenu innui ndi arruit sa loba de sa cumboxi: gafè, rulotas, ma teneus fintzas college, hobby, sinottigu, tunnel etc….

Sighi a ligi ‘“Piessinnus me in sa scridura de Antoni Cossu in s’arrumanzu Mannigos de Memoria”’

“Su sardu una lìngua ‘normali’”: cenàbara presentada in Casteddu

(IlMinuto) – Casteddu, 26 de su mesi de totussantus – At essi presentau su 29 de su mesi de totussantus chi benit a is 17.30 in sa saba cuferèntzias de s’Unioni sarda, in pratza s’Unioni sarda in Casteddu, su lìburu de Pepi Corongiu, diretori de su Serbìtziu Lìngua Sarda de sa Regioni Autònoma de Sardigna, chi tenit comenti tìtolu “Su sardu una lìngua ‘normali’” e bessiu po is Editzionis Condaghes. Publicau unus cantu de mesis fait, su lìburu at allutu una dibata manna in is media de s’ìsula. A chistionai cun s’autori ddoi ant essi Vitu Biolchini e Antoni Muroni, mentras is “Lucide” de Lucido Sottile ant a ligi calencunu passu de s’òpera. Sighi a ligi ‘“Su sardu una lìngua ‘normali’”: cenàbara presentada in Casteddu’

Explora! EcologicaMENTE: unu viàgiu in su mundu de sa natura e de sa scièntzia

(IlMinuto) – Casteddu, 26 de su mesi de totussantus – Explora! EcologicaMENTE est su camninu de amaistramentu sperimentali a sa scièntzia pròmoviu de su Comunu de Casteddu e pentzau e ghiau de su Datori Sergiu Falchi e datoressa Mària Luisa Sannia. Aghilliu de sa Biblioteca Piciocus de sa Mem – Mediateca de su Mediterràneu – su progetu at a cumentzai sàbudu 30 de su mesi de totussantus de su 2013 po acabai s’8 de su mesi de fiàrgiu. Sighi a ligi ‘Explora! EcologicaMENTE: unu viàgiu in su mundu de sa natura e de sa scièntzia’

In Igrèsias su Trio Friedrich in concertu

(IlMinuto) – Casteddu, 26 de su mesi de totussantus – At a fai su spetàculu su 1 de su mesi de paschixèdda a cumentzai de is 20.00, in is aposentus de su Teatru Electra de Igrèsias, su Trio Friedrich, fatu de Ilaria Costantino, Massimu Gatti e Stévini Pramauro. Sighi a ligi ‘In Igrèsias su Trio Friedrich in concertu’