> Strobu “acustico” po is residentis de Genneruxi | ilMinuto

Strobu “acustico” po is residentis de Genneruxi

(IlMinuto) – Casteddu, 25 de su mesi de totussantus – Est de calencuna diri fait sa nota prot. n. 2013/29158, chi tenit sa data 30 de su mesi de ledàminis de su 2013, cun sa cali s’A.R.P.A.S. at arraspustu a sa dimanda de scedas presentada de Grupu de Interventu Giurìdicu e Amigus de sa Terra “a propòsitu – si ligit in d-una nota – de sa averiguada de sa situatzioni de impestadura “acustica” prossimai chi benit de sa lìnia de sa metropolitana lèbia, in su bixinau Genneruxi” in Casteddu. Sa dimanda est stétia mandada po mori de is avisus de is diversus residentis de su bixinau, chi lamentànt su frimentu forti fatu de sa passada de sa metropolitana. Fatus is rilievus, de sa relata tènnica asuba de is cuntrollus fatus ndi bessit a pillu ca “is valoris de is livellus ‘acustici’ bessius a pillu, po su mangianu e po su noti, funt a cunforma de is tremenas prevìdias de su Regolamentu chi tenit is normas de cumprimentu de s’art. 11 de sa Lei n. 477 de su 26/10/1995, in matèria de impestadura ‘acustica’ chi benit de su tràvigu ferroviàriu, D.P.R. n. 459 de su 18/11/1998″. Prusaprestu, afirmant is assòtzius Grupu de Interventu Giurìdicu e Amigus de sa Terra, tocat a pretzisai ca, in su mantessi bixinau funt presentis àteras “sorgenti sonore”, intre custas sa “transitabilità locale”, “chi, aciuntas a su triulu de sa metropolitana, rapresentant, a dògnia modu, unu strobu etotu po is residentis de su bixinau”. Pròpriu de custu strobu iat depi essi pigau in cunsidèriu po su stùdiu de is sistemas chi tenit s’obietivu de amenguai s’impestadura “acustica” de su bixinau

© RIPRODUZIONE RISERVATA

0 Arrespustas a “Strobu “acustico” po is residentis de Genneruxi”


Is cummentus funt serraus.