> Su primu catàlogu de is produtzionis naturalis e sustenìbilis in Sardigna « ilMinuto – notizie Mediterranee – edizione Sardegna

Su primu catàlogu de is produtzionis naturalis e sustenìbilis in Sardigna

(IlMinuto) – Casteddu, 11 de su mesi de totussantus – Est stétiu presentau in Boàtiri su 5 de su mesi de totussantus passau de Sardigna Circas su primu catàlogu de is produtzionis naturalis e sustenìbilis in Sardigna. Sa publicatzioni arragollit diversas produtzionis de is territòrius fatas cun s’impitu de is materialis naturalis tipicus de sa traditzioni e de sa cultura sarda, is chi si funt otentus impitendi  is materialis de arreusa. S’òpera est fata in tres perras: sa primu est dedicada a is produtzionis catalogadas po matéria impitada: ortigu, fibras naturalis, materialis de pedra, sustàntzias naturalis, linna, làdiri, materialis de “riciclo”; sa segunda chistionat de is serbìtzius po sa “bioarchitettura”; sa terza portat s’elencu de is aziendas e de is professioneris chi pigant parti a sa proposta. Su traballu est prusaprestu tambeni de acabai. Su catàlogu no presentat difatis totus is prodotus chi s’agatant in su mercau e no est po custu cumpletu ni po nùmeru de aziendas ni po tipu de prodotus. S’agatat eletrònicu puru i est un’istrumentu publicitàriu puru po is impresas, e de scedas po is professoneris e sa pùblica aministratzioni, su catàlogu si presentat comenti unu primu passu a bia de un’avaloramentu prenu e cumpletu de is produtzionis naturalis e sustenìbilis de s’ìsula.

Fotografia de Mi Mitrka. Pigada de Flickr

© RIPRODUZIONE RISERVATA

0 Arrespustas a “Su primu catàlogu de is produtzionis naturalis e sustenìbilis in Sardigna”


Is cummentus funt serraus.