> Imparaus a is giòvanus a ligi cun “Su letu miu est una nai” « ilMinuto – notizie Mediterranee – edizione Sardegna

Imparaus a is giòvanus a ligi cun “Su letu miu est una nai”

(IlMinuto) – Casteddu, 13 de su mesi de totussantus – Promòviri su ligimentu po sa crialla e po sa pitzinnia est s’obietivu de sa Diri de stùdius e workshop “Su letu miu est una nai”, promòvia de Libriforas a.p.s. S’atopu est po cenàbara 6 de su mesi de paschixedda in sa Comunidadi su Cùcuru de Serdiana. Sa Diri de Stùdius, chi nascit cun s’intentzioni de annoai e formai, a is chi pigant parti a sa cosa, asuba de is ténnicas de promotzioni de su ligimentu e asuba de is realidadis chi s’agatant in su territòriu, est po maistus de sa scola elementari e po is de sa scola média, po is operadoris culturalis, po is professoris. Is partecipantis ant a tenni sa possibilidadi de scerai intre duus workshop, donniunu de custus no at a pigai prus de 15 iscritus. Po ndi sciri de prus scriri un’e-mail a s’indiritzu: segreteria.libriforas@gmail.com o telefonai a is nùmerus: 3288339360; 349 7205171.

© RIPRODUZIONE RISERVATA

0 Arrespustas a “Imparaus a is giòvanus a ligi cun “Su letu miu est una nai””


Is cummentus funt serraus.