> Su disterru de is Vigilis de su Fogu sardus, Zuncheddu: “s’ìsula nostra no podit abetai” « ilMinuto – notizie Mediterranee – edizione Sardegna

Su disterru de is Vigilis de su Fogu sardus, Zuncheddu: “s’ìsula nostra no podit abetai”

(IlMinuto) – Casteddu, 27 de su mesi de totussantus – Est passau casi un’annu de sa data de sa proposta mai discutia e depositada de su consilleri de SardignaLibera Cràudia Zuncheddu ingìriu a is afatallus de su personali in is cumandus provintzialis de is Vigilis de su Fogu. S’interrogatzioni, ddu amentaus denuntziàt s’amaletzu de serradura de unus cantu de divisionis Vvf de sa Sardigna de Tramuntana, oi intre is logus fertus de prus de sa strasura. “Mancai is arragus in is territòrius nostrus – afirmat Zuncheddu fueddendi de sa proposta presentada su 31 de su mesi de gennàrgiu passau – su ministèriu de s’Internu sighit a negai a is Vigilis de su Fogu sardus is cunditzionis chistias a is cullegas de àteras Regionis de Itàlia, i est a nai su diritu a fai sa pròpriu faina aintru de sa regioni insoru”. Is traballadoris sardus chi si funt apellaus a is istitutzionis màssimas de sa Regioni pedendi chi essant intenìvennias contra a su cumportamentu de su Guvernu italianu chi stagiat e no arraspetat is diritus insoru funt pagu prus de 300. “Est foras de contu e subrecu chi assignaduras prevìdias po sa Sardigna – pretzisat su consilleri indipendentista – currispundant a pagus unidadis po totu su territòriu isulanu”. Sa Sardigna difatis “no podit abetai: est passau casi un’annu de sa proposta mia”. Aici “a petus de s’arragu - acrarat Zuncheddu – speru ca su consillu regionali pongat su chistionu in su calendàriu cantu primu. Serbint arraspustas apretosas e cuncretas”.

© RIPRODUZIONE RISERVATA

0 Arrespustas a “Su disterru de is Vigilis de su Fogu sardus, Zuncheddu: “s’ìsula nostra no podit abetai””


Is cummentus funt serraus.