> 06 « mes’e paschixèdda « 2013 « ilMinuto – notizie Mediterranee – edizione Sardegna

Archíviu de sa diri 6/12/2013

Prètzius in Casteddu: in su mesi de totussantus fai sa spesa costat de prus

(IlMinuto) – Casteddu, 6 de su mesi paschixèdda – Pertocant prusatotu sa “cosa de papai e sa cosa de bufai chentza àrculu” (+0,4%) is aumentus de is prètzius registraus in su mesi de totussantus in sa tzitadi de Casteddu. A cantu narant is datus de su comunicau fatu connosci unus cantu de diris fait de su Serbìtziu Informatica e Statistica de su Comunu, in su mesi acabau de pagu sa carestia in tzitadi est abarrada po su prus aguali (-0,1%), ma cun aumentus de pigai in cunsidèriu  is prètzius de sa cosa de papai. Sighi a ligi ‘Prètzius in Casteddu: in su mesi de totussantus fai sa spesa costat de prus’

Po su Fronte Indipendista Unidu, sa polìtica depit essi populari e a su serbìtziu de is tzitadinus

(IlMinuto) – Casteddu, 6 de su mesi paschixèdda – In d-unu dossier de 70 pàginis, sa candidada de su tzentru manca Frantzisca Barracciu iscabulit is spesas chi ddi funt stétias batacolladas po su spriculitu asuba de su Dinai a is grupus. Sa candidada a sa presidèntzia de sa regioni acrarat ca is 33milla eurus batacollaus funt stétius impitaus po si movi in totu sa Sardigna po atopai a is eletoris, sighiri is avenimentus e is manifestadas chi pertocant a s’atividadi polìtica cosa sua. Su dossier no cumbincit a is indipendentistas de Fiu, chi cumentant: “Si pedeus si sa Barracciu tengat is notzionis elementaris de àlzebra biu ca si unu prenu de binzina costat pagu prus de 50 eurus, 2 prenus constant 100 e si faint 1.000 Km, cun milla eurus d-una média si ndi 10.000, cun 10.000 eurus 100.000, duncas cun 33.000 eurus 330 milla Km. In pagu fueddus sa Barracciu at fatu dògnia annu 110 milla Km cun d-una média de 300 Km a sa diri viagendi in is diris de festa puru” In totu funt 24milla chìlometrus s’annnu fatus cun dinai pùblicu mancai su stipendiu bellu e is indennidadis europarlamentaris. Sighi a ligi ‘Po su Fronte Indipendista Unidu, sa polìtica depit essi populari e a su serbìtziu de is tzitadinus’