> 09 « mes’e paschixèdda « 2013 « ilMinuto – notizie Mediterranee – edizione Sardegna

Archíviu de sa diri 9/12/2013

Arribat a Giru giru, su segundu album de Craudia Aru

(IlMinuto) – Casteddu, 9 de su mesi de paschixèdda – Torrat cun d-unu album nou chi tenit comenti tìtulu “A giru a giru” sa cantautora Craudia Aru. “Su segundu discu – si ligit in d-una nota de imprenta -, chi arribat agoa de ‘Aici’ publicau in su mesi de paschixèdda de su 2012″ at essi presentau a su pùblicu su 14 de su mesi de paschixèdda a is 21.00 in su teatru de arruga Asproni in Biddacidru. “Est de sa bidda de su bentu duncas , – sighit su comunicau – ca tucat custa aventura musicali noa” innoia sa Aru at essi protagonista de diversas frimadas. Sighi a ligi ‘Arribat a Giru giru, su segundu album de Craudia Aru’

Protzessus po “peculato”. ProgReS: “sa Ras si fatzat parti civili”

(IlMinuto) – Casteddu, 9 de su mesi de paschixèdda – “Is istitutzionis, su Consillu regionali, sa Regioni autònoma de Sardigna, si tenint unu pagu de innidesa morali tambeni, e si assumancu po una borta, iant a bolli rapresentai e interpretai su santidu de su pòpulu nostru s’iant a depi opòniri a faci de custu àteru atu de frapa de una classi duminadora chi tenit comenti primu interessu su de abarrai in is pròprius cadiras de poteri e de privilègiu”. Est cantu afirmat su segretàriu natzionali de ProgReS Progetu Repùblica Paolu Piras ingìriu a su terremotu scuartarau in matèria de su dinai ai is grupus consiliaris de sa Sardigna. “Fortzis no si eus a depi scandulai prus po is privilègius e is furas chi funt a custu puntu sa normalidadi”, afirmat Piras. E sighit: “epuru a faci de is ‘onorevolis” consilleris chi po s’impignu nou insoru de presoneris si pigant pagu prus de 2000€ a su mesi, a faci de sa ruina econòmica e sotziali chi nascint de is mantessis consilleris, no si podit fai finta de nudda”. Sighi a ligi ‘Protzessus po “peculato”. ProgReS: “sa Ras si fatzat parti civili”’

Turismu: su Consortziu Duas Giaras presentat in Berlino su progetu #myland

(IlMinuto) – Casteddu, 9 de su mesi de paschixèdda – Unus cantu de azionis acapiadas chi tenint comenti ùnicu obietivu su de fai atinai is comunus de su Consortziu Duas Giaras comenti una destinatzioni oraganitzada “operativamente” e tecnologicamenti chi potzat donai totus is serbìtzius chi abisongiant a su turista modernu. Fueddaus de su progetu pilota #myland, presentau in Berlino de su Consortziu Duas Giaras su mesi de totussantus passau. Sa proposta fait nasci caminus “interattivi” de fai in guturinus e in is boscus. “Tretus achipagiaus po camper, – pretzisat una nota de imprenta – nolu bicicretas (mountain bike, bicicretas de trekking, bicicretas de pipiu, handbike), nolu ‘palmari’ e sistemas de nàvigu, postalis po si stresiai, tours ghiaus: cun custu sistema “integrato” de serbìtzius est prus simpli, pràtigu e “avvincente” sculliri is bellesas de sa Marmidda”. Totu custu ad essi guvernau de unu software innovativu e capassu de creai un’itineràriu personalitzau comenti sceberat su turista: logu de tucada, tipu de bicicreta, importu de su paisagiu, de sa cultura e avenimentus, logus po papai, pasadas e B&B, arragus ténnicus e de carena, ‘ciclabilità’ in artziada e in abasciada, longhesa màssima de su caminu. Sighi a ligi ‘Turismu: su Consortziu Duas Giaras presentat in Berlino su progetu #myland’