> Online su giassu de sa Biblioteca Issentifica Regionali « ilMinuto – notizie Mediterranee – edizione Sardegna

Online su giassu de sa Biblioteca Issentifica Regionali

(IlMinuto) – Casteddu 20 de su mesi de paschixèdda – A cumentzai de oi, 20 de su mesi de paschixèdda, at essi ativu su giassu web de sa Biblioteca Issentifica Regionali (BSR) chi at donai sa possibilidadi – si ligit in d-una nota de imprenta – de castiai sa “literadura issentifica internatzionali chi ddoi est in Sardigna”. Su progetu est stètiu fatu gràtzias a sa lei regionali 7/2007 e cun s’agiudu de s’Universidadi de is Stùdius de Casteddu, de s’Universidadi de is Stùdius de Tàtari, de Sardigna Circas e de su Tzentru Regionali de Pragramatzioni. “Investiri po assegurai un’intrada prena a sa connoscèntzia issentifica” est s’obietivu primu de su progetu chi – sighit sa nota de imprenta – est obertu “a sa participatzioni de is entis chi in su territòriu regionali sboddiant fainas de circa e chi impitant literadura tènnicu-issentifica”.

© RIPRODUZIONE RISERVATA

0 Arrespustas a “Online su giassu de sa Biblioteca Issentifica Regionali”


Is cummentus funt serraus.