> mes’e paschixèdda « 2013 « ilMinuto – notizie Mediterranee – edizione Sardegna

Archìviu de mes'e paschixèdda 2013

Pàgina 3 de 5

Traballu 11 incidentis mortalis in su 2013. Cuàturu mortis scéti in sa provìntzia de Aristanis

(IlMinuto) – Casteddu 11 de su mesi de paschixèdda – Funt stètias 11, intre su mesi de gennàrgiu e su mesi de ledàminis, is mortis in su traballu in Sardigna. Est cantu ndi bessit a pillu de sa relata fata connosci de s‘Osservatòriu asuba de sa segurantza apitzus de su traballu “Vega Engineering”, cun datus annoaus a su 31 de su mesi de ledàminis de su 2013. Grai, po su prus, sa situatzioni de s’aristanesu, innoia in is primus 10 mesis de s’annu funt stètias cuàturu is mortis in su traballu. Sa provìntzia de Aristanis registrat unu pesu statisticu (cuàturu mortus asuba de unu totali de 55.413 traballadoris) artu meda, chi in su stadu italianu (colonia sarda puru) est segundu scéti a sa de sa provìntzia abruzesa de Chieti. Sighi a ligi ‘Traballu 11 incidentis mortalis in su 2013. Cuàturu mortis scéti in sa provìntzia de Aristanis’

(Italiano) Come “Fare breccia nelle mura”, appuntamento sassarese sulle carceri

Custu artìculu s\\\\\\\’agatat sceti in %LANG:

Operatzioni Arcadia: scontròriu e solidariedadi. Sa boxi de Sis-ma e Sni

(IlMinuto) – Casteddu, 10 de su mesi de paschixèdda – “Sighit s’ameletzu a is indipendentistas su consillu Natzionali de Sardigna Natzione espressat sa pròpriu solidariedadi a is patriotas sardus cracaxaus”. Sis-ma: ‘Arcadia’ cassa a is cogas chi si tragat de tempus meda. Solidariedadi a is cumpangius mandaus a giudìtziu”. Funt is fueddus chi ghiant is tìtulus de is duus comunicaus de solidariedadi firmaus su primu Sardigna Natzione Indipendentzia e su segundu Sis-ma Sinistra indipendentista sarda – Movimento Anticapitalista. Fintzas a imoi funt duus is organizatzionis polìticas indipendentistas a s’essi arringheradas e a ai espressau sa pròpriu solidariedadi a is 18 personis mandadas a giudìtziu in s’ambitu de s’Operatzioni Arcadia “Una cassa a is cogas diaderus coidadosa a orologeria e chi est mandada ainnantis de tempus meda pesada cun s’obietivu polìticu de scontroriai e disanimai dògnia forma de arrumpellamentu a su regimi coloniali de isfrutamentu, de miseresa e de ocupatzioni militari chi acacigat a su pòpulu sardu”, cumentant is indipendentistas de Sinistra indipendentista sarda – Movimento Anticapitalista. e comenti Sis-ma Sardigna Natzione puru pretzisat: “Sni chi connoscit a is indipendentistas trisinaus in su manixu de criminalizatzioni, scit ca is 18 patriotas ant fatu sèmpiri sa militantzia insoru, comenti nos, a sa luxi e ca no ant mai crètiu in s’aciocu armau comenti mètidu po sciolli is chistionis chi depint tenni una solutzioni polìtica”. Sighi a ligi ‘Operatzioni Arcadia: scontròriu e solidariedadi. Sa boxi de Sis-ma e Sni’

Arribat a Giru giru, su segundu album de Craudia Aru

(IlMinuto) – Casteddu, 9 de su mesi de paschixèdda – Torrat cun d-unu album nou chi tenit comenti tìtulu “A giru a giru” sa cantautora Craudia Aru. “Su segundu discu – si ligit in d-una nota de imprenta -, chi arribat agoa de ‘Aici’ publicau in su mesi de paschixèdda de su 2012″ at essi presentau a su pùblicu su 14 de su mesi de paschixèdda a is 21.00 in su teatru de arruga Asproni in Biddacidru. “Est de sa bidda de su bentu duncas , – sighit su comunicau – ca tucat custa aventura musicali noa” innoia sa Aru at essi protagonista de diversas frimadas. Sighi a ligi ‘Arribat a Giru giru, su segundu album de Craudia Aru’

Protzessus po “peculato”. ProgReS: “sa Ras si fatzat parti civili”

(IlMinuto) – Casteddu, 9 de su mesi de paschixèdda – “Is istitutzionis, su Consillu regionali, sa Regioni autònoma de Sardigna, si tenint unu pagu de innidesa morali tambeni, e si assumancu po una borta, iant a bolli rapresentai e interpretai su santidu de su pòpulu nostru s’iant a depi opòniri a faci de custu àteru atu de frapa de una classi duminadora chi tenit comenti primu interessu su de abarrai in is pròprius cadiras de poteri e de privilègiu”. Est cantu afirmat su segretàriu natzionali de ProgReS Progetu Repùblica Paolu Piras ingìriu a su terremotu scuartarau in matèria de su dinai ai is grupus consiliaris de sa Sardigna. “Fortzis no si eus a depi scandulai prus po is privilègius e is furas chi funt a custu puntu sa normalidadi”, afirmat Piras. E sighit: “epuru a faci de is ‘onorevolis” consilleris chi po s’impignu nou insoru de presoneris si pigant pagu prus de 2000€ a su mesi, a faci de sa ruina econòmica e sotziali chi nascint de is mantessis consilleris, no si podit fai finta de nudda”. Sighi a ligi ‘Protzessus po “peculato”. ProgReS: “sa Ras si fatzat parti civili”’