> 2014 mes’e fiàrgiu | ilMinuto

Archìviu de mes'e fiàrgiu 2014

Bilinguismu crescet: cumentzat su cursu de giogu didàticu po imparai su sardu a is pipius

(IlMinuto) – Casteddu, 28 de su mesi de fiàrgiu – At essi dedicau a is pipus chi tenint intre is tres e is 10 annus sa butega de giogu didàticu in sardu aprontau de s’Assessorau regionali de s’Istrutzioni Pùblica, aintru de su progetu “Bilinguismu crescet”. S’iscopu – si ligit in d-una nota de imprenta – est “imaparai e/o isvilupai, atressu de su giogu s’impitu de su sardu, arrichendi su lèssicu cun s”agiudu de giogus e contus, isperimentendu diversus modus de s’espressai e de comunicai po imparai ascurtai e atinai”. Sighi a ligi ‘Bilinguismu crescet: cumentzat su cursu de giogu didàticu po imparai su sardu a is pipius’

Documentus asuba de sa vida sarda in s’òpera “Otzàna in is fotografias e in is documentus pigaus de Fridolin Weis Bentzon”

(IlMinuto) – Casteddu, 28 de su mesi de fiàrgiu – At essi presentada dominigu 2 de su mesi de martzu a is 9.30, in su Tzentru “Polivalente” arruga Emili Lussu in Otzàna, s’òpera “Otzàna in is fotografias e in is documentus pigaus de Fridolin Weis Bentzon”. Sa presentada de sa publicatzioni, aprontada de s’assòtziu culturali Iscandula cun s’agiudu de s’aministratzioni comunali de Otzàna, s’assòtziu Sa Ilonzana e sa Regione Autònoma de Sardigna tenit s’iscopu de presentai a sa genti su materiali pigau de s’antropologu danesu in is viàgius suus in Sardigna. Fueddaus de pagu prus de 30 fotografias in biancu e nieddu de su Carnasciali de su 1958, màginis a caboris de is biseras pigadas e allogadas in su Museu Natzionali de Danimarca o a domu de familiaris e amigus, e de is registatzionis sonoras de is cantus de is piciocas de su 1962. Sighi a ligi ‘Documentus asuba de sa vida sarda in s’òpera “Otzàna in is fotografias e in is documentus pigaus de Fridolin Weis Bentzon”’

Connessioni a gratis in is parcus e in is pratzas de Tàtari

(IlMinuto) – Casteddu, 28 de su mesi de fiàrgiu – Est nàscia de un’acòrdiu firmau intre su Bancu de Sardigna e su Comunu de Tàtari sa retza unia “Pratzas in Retza”. Su progetu previdit chi in is pratzas prus importantis de Tàtari si potzat navigai in internet a gratis. In sa Tzitadi ddoi at essi po custu internet a gratis in is pratzas e in is parcus wi fi lìberu. Sighi a ligi ‘Connessioni a gratis in is parcus e in is pratzas de Tàtari’

#acapiaddus Arc Casteddu: solidariedadi a Dessena

(IlMinuto) – Casteddu, 27 de su mesi de fiàrgiu – S’assòtziu Arc de Casteddu espressat solidariedadi e totu s’acotzu suu a Taniebi Dessena, giocadori de su Casteddu. Dessena, ddu amentaus, est diventau ogetu de atacus de parti de unus cantu de “tifosus” po mori de ai pigau parti a su progetu #acapiaddus, campagna contra s’”omo-transfobia” in su sport, chi cunsistit in si ponni una pariga de codrueneddas circuvròngia, de si ponni in is crapitas ipo fai sa gara, po amentai a totus ca in su sport is diversidadis de tratamentu funt “fuorigioco”. Est custu su significau de sa proposta fata de “Paddy Power” e de is assòtzius Arcigay e Arcilesbica cun s’agiudu de sa Fondatzioni “Candido Cannavò” po su sport, chi est pighendusì de unus cantu diris is social network cun d-un’hashtag chi est un’incoramentu puru: Sighi a ligi ‘#acapiaddus Arc Casteddu: solidariedadi a Dessena’

In Pèifugas su segundu atopu de su Mercau Massaju

(IlMinuto) – Casteddu, 27 de su mesi de fiàrgiu – Lompit a su segundu atopu pùblicu su progetu “Ortalijas- Prodotus de su coru de s’Anglona” de su Mercau Massaju. S’atòbiu est prevìdiu po giòbia 6 de su mesi de martzu in s’àula consiliari de Pèifugas , in pratza Mannu 1, a cumentzai de is 10.30, i est fatu po allegai a totus is produtoris de su territòriu e a is operadoris ecònomicus. Sighi a ligi ‘In Pèifugas su segundu atopu de su Mercau Massaju’