> Bilinguismu crescet: cumentzat su cursu de giogu didàticu po imparai su sardu a is pipius « ilMinuto – notizie Mediterranee – edizione Sardegna

Bilinguismu crescet: cumentzat su cursu de giogu didàticu po imparai su sardu a is pipius

(IlMinuto) – Casteddu, 28 de su mesi de fiàrgiu – At essi dedicau a is pipus chi tenint intre is tres e is 10 annus sa butega de giogu didàticu in sardu aprontau de s’Assessorau regionali de s’Istrutzioni Pùblica, aintru de su progetu “Bilinguismu crescet”. S’iscopu – si ligit in d-una nota de imprenta – est “imaparai e/o isvilupai, atressu de su giogu s’impitu de su sardu, arrichendi su lèssicu cun s”agiudu de giogus e contus, isperimentendu diversus modus de s’espressai e de comunicai po imparai ascurtai e atinai”. Su cursu at a durai cuàturu mesis, at a cumentzai in su mesi de martzu e s’at isboddiai una bia a sa cida su martis a meigama de is 16.00 a is 17.00. Is interessaus ant a depi fai lompi sa dimanda de participatzioni intru su 5 de su mesi de martzu de su 2014 scéti atressu de mail a s’indiritzu: pi.limbasarda@regione.sardegna.it.

© RIPRODUZIONE RISERVATA

0 Arrespustas a “Bilinguismu crescet: cumentzat su cursu de giogu didàticu po imparai su sardu a is pipius”


Is cummentus funt serraus.