> mes’e fiàrgiu « 2014 « ilMinuto – notizie Mediterranee – edizione Sardegna

Archìviu de mes'e fiàrgiu 2014

Pàgina 2 de 4

Amparu minorias linguìsticas istòricas: finantziamentu aministratzionis territorialis e de su logu

(IlMinuto) – Casteddu, 26 de su mesi de fiàrgiu – Ddoi at ai tempus fintzas a su 30 de su mesi de arbili de su 2014 a manera chi entis de su logu, Càmeras de Cumèrciu e aziendas sanitàrias de su logu presentint is pròprius progetus in matèria de amparu de is minorias linguìsticas istòricas (lei 15 de su mesi de paschixèdda 1999, n. 482). Is dimandas po pigai is finantziamentus depint essi cumpiladas impitendi is mòdulus aprontaus de pròpositu. Is documentus ant a depi lompi in s’Assessorau de sa Pùblica Istrutzioni de sa RAS, chi s’at a ocupai de s’”istruttoria” de is progetus. Sighi a ligi ‘Amparu minorias linguìsticas istòricas: finantziamentu aministratzionis territorialis e de su logu’

Mensas iscolasticas, cuncursu “Mastros de kukina”

(IlMinuto) – Casteddu, 26 de su mesi de fiàrgiu – Amancant pagu diris a s’iscadèntzia de su cuncursu promòviu de s’Agentzia Laore Sardigna e de sa Provìntzia de Nùgoro chi tenit comenti tìtulu “Mastros de kukina”. Podint pigai parti a sa gara is responsàbilis de is mensas iscolasticas, is coxineris chi traballant in sa provìntzia de Nùgoro, e chi ant firmau unu capitulau de apaltu “a Km 0″. Sighi a ligi ‘Mensas iscolasticas, cuncursu “Mastros de kukina”’

Mostras: in Sa Zeppara “Artista IN (fr)AZIONE”

(IlMinuto) – Casteddu, 26 de su mesi de fiàrgiu – Tenit comenti tìtulu “Artista IN (fr)AZIONE” s’atopu artìsticu aprontau in sa fratzioni de Abas, Sa Zeppara, de sa Biblioteca Gramsciana, cun s’agiudu de su Bar Murroni e de Nur s.r.c. Po duus mesis sìartista Gigi Meli at a esponni is òperas de sa produtzioni personali sua. Sighi a ligi ‘Mostras: in Sa Zeppara “Artista IN (fr)AZIONE”’

Scida a is “Scontri Internaziunali di a Ghjuventù in lotta”

(IlMinuto) – Casteddu, 25 de su mesi de fiàrgiu – Agoa de ai aprontau in s’ìsula, su mesi de cabudanni passau, su primu “Atobiu Internatzionali de is studiantis Indipendentistas”, is giòvanus indipendentistas de Scida s’agatant oi in Corti, in Cossiga, po sa de dexi editzioni de is “Scontri Internaziunali di a Ghjuventù in lotta”, a rapresentai su moimentu de liberamentu Natzionali Sardu. Sighi a ligi ‘Scida a is “Scontri Internaziunali di a Ghjuventù in lotta”’

Cuncursus: ghetau su bandu su “Time Out” de Time in Jazz

(IlMinuto) – Casteddu, 25 de su mesi de fiàrgiu – Est stètiu ghetau su bandu ocannu puru, de su Time in Jazz de Belchidda, su cuncursu “Time Out”, nàsciu po scerai tres grupus musicalis de propòniri a su jazz club de su festival, chi de s’8 a su 16 de su mesi de austu at ingenerai sa de bintiseti editzioni sua. Unu sceberu obertu a dj e formatzionis musicalis chi no tengant prus de tres personis e chi bit sa participatzioni a su cuncursu de diversas calidadis musicalis: de su jazz a su blues, de su folk a su bossa nova, de sa mùsica eletrònica a su rock, calidadis chi funt in acòrdiu cun su contestu e su clima de su club. Sighi a ligi ‘Cuncursus: ghetau su bandu su “Time Out” de Time in Jazz’