> 06 « mes’e marzu « 2014 « ilMinuto – notizie Mediterranee – edizione Sardegna

Archíviu de sa diri 6/03/2014

Is “Barbariciridicoli” in Teti po s’8 de su mesi de Martzu

(IlMinuto) – Casteddu, 6 de su mesi de martzu – Atopu in Teti, sàbudu 8 de su mesi de martzu a is 17, in is aposentus de sa Biblioteca Comunali, po s’ispetàculu teatrali “Marcella o de sa morti de s’ànima” de sa Compagnia “I Barbariciridicoli”. Sispetàculu est unu monologu chi afrontat, in fotzis intre su còmicu e su dramaticu, su tema, a dolu mannu sèmpiri prus presenti e cabau in sa vida de sa Sardigna contemporanea, de sa violetzia asuba de is fèminas aintru de su raportu de amorosu. Sighi a ligi ‘Is “Barbariciridicoli” in Teti po s’8 de su mesi de Martzu’

Arti52: “Serendipità” mostra de Frantziscu Cubeddu

(IlMinuto) – Casteddu, 6 de su mesi de martzu – Su de otu atopu po Arti52 de su Museu Naturalisticu de su Territòriu “Giosepu Pusceddu”, in s’arruga de Lunamatrona-Forru. A is aparadas de Marcu Pili, Tore Atzeni, Sergiu Bolgeri e sa colletiva Orbaxi custa cida, a cumentzai de su 7 de su mesi de martzu s’at a acotzai sa mostra “Serendipità” de Frantziscu Cubeddu. S’aparada, chi at essi inaugurada a is 17, est un’acontèssia de serendipità, est a nai nascit “de su ai iscobertu una cosa chi no furiat circada e foras de contu mentras si nd’est circhendi un’àtera”. Is “quadrografie” de s’artista, funt unu burdu intre pintura e fotografia, imprentadas asuba de tela po nd’aumentai s’ambiguidadi, rapresentant un’acatu a sa terra. Sighi a ligi ‘Arti52: “Serendipità” mostra de Frantziscu Cubeddu’

Tàtari, Tula e Àldara: dimanda po torrai a ponni in motu su collegamentu de su merì

(IlMinuto) – Casteddu, 6 de su mesi de martzu – Lompit de su Comunu de Tula sa dimanda po torrai a ponni in motu su collegamentu de su merì atressu de bus de lìnia intre sa tzitadi de Tàtari e is Comunus de Tula e Àldara. “De su primu de su mesi de austu de su 2011 is tzitadinus de is comunus de Tula e Àldara – acrarat su sìndigu Andria Becca – no podint fai prus afidamentu in sa torrada insoru a domu de sa tzitadi de Tàtari, aundi andant po istudiu, po traballu, po si curai e po chistinis privadas”. Custa situatzioni – sighit su primu tzitadinu – est fadendi istrobus mannus personalis i ecònomicus a sa genti, giai arrematada po s’ausèntzia de àterus serbìtzius prus piticus e de importu chi rapresentat custus Comunus”. Sighi a ligi ‘Tàtari, Tula e Àldara: dimanda po torrai a ponni in motu su collegamentu de su merì’

(Italiano) Documenti: Comitato Sanità scrive a Presidente Regione