> 2014 mes’e marzu 07 | ilMinuto

Archíviu de sa diri 7/03/2014

Acotzu Riformatori Psd’Az a Pigliaru. Manca Sarda: “est una trusada”

(IlMinuto) – Casteddu 7 de su mesi de martzu – “Beneus a isciri ca is Riformatori e su Psd’Az donant, cun d-un’atu de bonucoru mannu meda, donant su pròpriu cuntributu a su Presidenti Pigliaru, assegurendi un’acotzu a is fatus cuncretus chi su guvernadori at essi lamau a fai, po torrai a fai bolai sa Sardigna [...]. No podeus abarrai a sa muda apitzus de is machioris de chini, agoa de ai cuntribuiu in deretura a cincu annus de guvernu malu, pentzat galu de podi contai is palistòrias a is sardus”. Funt is fueddus iscritus in d-una nota de imprenta firmata de Giuannicu Deriu e Lisandru Corona de Manca Sarda innoia s’acrarat ca is duus partidus, Riformatori e Psd’Az iant a depi castiai in domu insoru pedendusì comenti mai is sardus apant pigau su determinu de mudai passu e de votai a su centru-manca e su candidau presidenti suu. Sighi a ligi ‘Acotzu Riformatori Psd’Az a Pigliaru. Manca Sarda: “est una trusada”’

Cursus: in Casteddu “Incarreramentu creativu atressu de s’argidda”

(IlMinuto) – Casteddu 7 de su mesi de martzu – In su Tzentru Comunali Area 3 de arruga Carpaccio in Casteddu funt obertas is iscritzionis po su cursu de terralla “Incarreramentu creativu atressu de s’argidda”. In su perìudu de annestru is “isdudentis” ant a imparai is tènnicas de basi, chi ant a permit insoru de tenni is abilèntzias po manixai sa matèria atressu de su manixu e s’iscoberta de is possibilidadis “combinatorie” infinias, de giogu i espressivas in s’impitu de su materiali. Sighi a ligi ‘Cursus: in Casteddu “Incarreramentu creativu atressu de s’argidda”’

In Istintinu s’Odissea in crai moderna

(IlMinuto) – Casteddu 7 de su mesi de martzu – Est stètiu presentau mèrculis passau in Tàtari, in is aposentus de sa Camara de su Cumèrciu de sa Sardigna de Tramuntana, a sa presèntzia de s’assessori a su Turismu de su Comunu de Istintinu Anghelu Schiaffino, de sa consillera comunali cun dèlega a sa Cultura Frantzisca Demontis, de su regista Malachi Bogdanov, de su produtori Simon M. Woods, de su produtori assotziau e presidenti de Cineclub Tàtari Carlu Dessì, su progetu cinematogràficu “De Itaca cun amori – s’Odissea”. Su film chi est un’adatadura in crai contemporanea de s’Odissea de Omeru, at a essi girau in grecu antigu e latinu e at essi sutatitolau atressu de “crowd sourcing” globali in is lìguas de dògnia continenti. S’òpera at essi cumpartzia a gratis in totu is iscolas e is universidadis de su Pianeta e, in su mantessi tempus, at essi cumpartzia in is tzìnemas puru, in is televisionis, online e in cd. Sighi a ligi ‘In Istintinu s’Odissea in crai moderna’