> 2014 mes’e marzu 11 | ilMinuto

Archíviu de sa diri 11/03/2014

Indipendentismu: MD presèntzia importanti de is indipendentistas alliaus cun su Tzentrumanca

(IlMinuto) – Casteddu, 11 de su mesi de martzu – Est craru e frimu su pentzu de Manca Democràtica agoa de s’anàlisi de su votu po is eletzionis regionalis chi si funt isboddiadas in su mesi de fiàrgiu passau. Is indipendentistas de MD s’agatant a cuncòrdiu “arreconnoscendi s’importu de sa presèntzia in Consillu Regionali de fortzas indipendentistas alliadas cun sa s’intesa de Tzentrumanca”. “Comenti fortza sotzialista e indipendentista – si ligit in su giassu de s’organizatzioni – bideus beni sa tramuda de marcu de sa giunta regionali e isperaus chi bengant mandadas ainnantis polìticas de manca po afrontai is problemas chi atanagliant sa Sardigna: disimpreu e crisi econòmica e sotziali”. Sighi a ligi ‘Indipendentismu: MD presèntzia importanti de is indipendentistas alliaus cun su Tzentrumanca’

Militarizatzioni: Sis-Ma: no a su fàbricu de is F35 in Sardigna

(IlMinuto) – Casteddu, 11 de su mesi de martzu – Isburratzada de is esercitatzionis militaris e no scéti de custas, palestra e fabrica de armas, sa Sardigna at essi s’industria de is 54 carrellus de is “cacciabombardieri” F35, chi ant essi fabricaus in Cabu Santu Laretu. A ddu fai isciri unus cantu de cidas fait, atressu de is pàginis de su cotidianu s’Unioni Sarda est Giorghi Zappa, giai diretori de Finmeccanica, oi a sa ghia de Vitrociset, chi traballat in su campu de is tennologias de s’informatzioni e de sa comunicatzioni e in sa “logistica”. S’azienda s’interessat de is sistemas eletrònicus e informaticus in su campu tzivili e militari po impresas, aministratzionis pùblicas, agentzias de su guvernu e organizatzionis. Ma fadeus unu passu agoa e torraus a su cuntratu firmau su 14 de su mesi de fiàrgiu passau intre sa Vitrociset e sa Lockheed Martin, azienda chi traballat in is cumpartus de s’inzenneria “aerospaziale” e de sa defesa, aintru de su programa Joint Strike Fighter. Sighi a ligi ‘Militarizatzioni: Sis-Ma: no a su fàbricu de is F35 in Sardigna’

Casteddu: cumentzat sa “Cida contra a s’Apartheid Israelianu”

(IlMinuto) – Casteddu, 11 de su mesi de martzu – Cumentzat in Casteddu sa “Cida contra a s’Apartheid Israelianu”. S’avenimentu, aprontau de s’Assòtziu Amigàntzia Sardigna Palestina cun s’agiudu de is comitaus universitarius Cua e Comitau Palestina, bit sa participatzioni de diversus professoris de s’Ateneu casteddaiu puru e de is rapresentantis de su logu de AssoPace e BDS International, de su Muzak e de sa Consulta de is Giòvonus de Sestu. Su primu atopu, s’est isboddiau in arruga Montesanto 28 su 10 de su mesi de martzu passau, e at biu sa presentada de su programa de sa manifestada e sa proietzioni de unu film documetàriu intrau de su presidenti de s’Assòtziu Amigàntzia Sardigna Palestina Fawzi Ismail. Sighi a ligi ‘Casteddu: cumentzat sa “Cida contra a s’Apartheid Israelianu”’

In Bidda Noa Truschedu sa de tres sagra de su sparau

(IlMinuto) – Casteddu, 11 de su mesi de martzu – S’at a isboddiai su fine de cida chi benit, in Bidda Noa Truschedu, sa de tres editzioni de sa Sagra de su Sparau aprontada de sa Pro loco de sa biddixedda de su Barigadu cun s’apògiu de su Comunu e s’agiudu de sa Consulta de is giòvanus. S’atopu est po su 16 su mesi de martzu a is 10.30 cun sa bisita ghiada cun su trenixeddu turisticu a su giassu de su giassu Santu Millianu cun is cumbessias suas, e a su Nuraxi de Santa Brabara. A sighiri s’atopu passillada a sa circa de is ebras de sa traditzioni: reconnoscimentu e impitus. Sighi a ligi ‘In Bidda Noa Truschedu sa de tres sagra de su sparau’