> 2014 mes’e marzu 14 | ilMinuto

Archíviu de sa diri 14/03/2014

Sa Sardigna bincit a s’Itàlia 63,2 a 49,4 (in sa lèzida de is cotidianus)

(IlMinuto) – Casteddu, 14 de su mesi de martzu – In su 2013 su 63,2 po centu de is sardus at ligiu assumancu una borta a sa cida unu cotidianu: unu peschentu de 13,8 puntus prus mannu de su datu mèdiu italianu, frimu a su 49,4. Custu e medas àterus datus, a bias ispantosus, s’agatant in su Raportu “Sardigna in tzifras 2014“, de su Serbìtziu Istatistica de s’aministratzioni regionali chi s’agatat de calencuna cida in su giassu de sa Regioni. Sighi a ligi ‘Sa Sardigna bincit a s’Itàlia 63,2 a 49,4 (in sa lèzida de is cotidianus)’

Birra, coxina e ciucullati, in Belchidda saboris curiosus

(IlMinuto) – Casteddu, 14 de su mesi de martzu – Unu viàgiu a s’iscoberta de is birras artesanalis de sa Sardigna cun d-una acabbada lichita a su ciucullati. Est candu prevìdiu po oi a is 20.00 in su Museu de su binu de Belchidda. Un’avenimentu, su gadduresu, nàsciu po fai atopai su mundu de sa birra cun su de sa coxina e de ciucullateria. Sighi a ligi ‘Birra, coxina e ciucullati, in Belchidda saboris curiosus’

Gianni Rodari e sa lìngua sarda

Ah? E ita nc’intrat Gianni Rodari cun sa lìngua sarda? Iat a pòdiri narri calencunu. Mancu deu nci pentzamu ca custu maistu mannu de cultura e de vida podessit intrai, una diri, in su trabballu miu de manera funguda.
Assumancu fintzas a candu no apu cumprèndiu, e nci nd’est bòfiu de tempus, ca po èssiri “espertu de didàtica de lìngua e cultura sarda”, no bastat sa connoscèntzia de sa lìngua e de sa istòria sarda. No bastat a cumentzai (e acabbai) unu iter de istùdiu e formatzioni po nc’aciuvai beni beni is peis in totus is chistionis. No bastant is cursus de agiornamentu. Nci bolint medas àteras cosas.
Deu a Rodari dd’apu connotu mellus candu, e funt passaus giai dexi annus a oi, apu cumentzau a trabballai cun is pipius de scola, fadendi progetus asuba de sa lìngua e cultura sarda. Connoscimu is poesias suas, is filastrocas, ma no imu lìgiu ancora sa “Grammatica della fantasia”.
Sighi a ligi ‘Gianni Rodari e sa lìngua sarda’