> 18 « mes’e marzu « 2014 « ilMinuto – notizie Mediterranee – edizione Sardegna

Archíviu de sa diri 18/03/2014

Tàtari: “Limba e Libros in su Museu Sanna”, valorizare sa limba sarda e sas variedades alloglotas de sa Sardigna

(IlMinuto) – Casteddu 20 de martzu – “Limba e Libros in su Museu Sanna” est su tìtulu de sa manifestatzione chi organizat in Tàtari su Servìtziu Limba Sarda de s’Assessoradu a s’Istrutzione Pùblica de sa Regione Autònoma de Sardigna cun s’Isportellu Linguìsticu Regionale pro sa limba sarda e catalana. “Tres addòbios – si ligit in su comunicadu – chi, gràtzias a sa collaboratzione cun su Ministèriu pro sos benes e sas atividades culturales, s’ant a fàghere in su Museu Natzionale “A. Sanna” de Tàtari”. “Limba e Libros in su Museu Sanna” previdet diferentes apuntamentos pro valorizare sa limba sarda e sas variedades alloglotas de sa Sardigna chi si còllocant in una rete importante de initziativas chi su Servìtziu promovet dae medas annos. Primu apuntamentu: giòbia 20 de martzu, sa sala de sas cunferèntzias de su Museu Natzionale “A. Sanna”, carrera de Roma 64 a sas 17.30, cun sa presentada de s’ùrtimu libru de Pàulu Pisu “Gli ultimi pastori sardi? Storie, testimonianze, prospettive”. Sighi a ligi ‘Tàtari: “Limba e Libros in su Museu Sanna”, valorizare sa limba sarda e sas variedades alloglotas de sa Sardigna’

Samassi: XXVII sagra de sa canciofa intre atopus e butegas

(IlMinuto) – Casteddu, 18 de su mesi de martzu – De su 21 a su 23 de su mesi de martzu de su 2014 s’at a isboddiai aintru de sa XXVII sagra de sa canciofa s’atopu tènnicu aprontau de s’Agentzia Laore Sardigna chi tenit comenti tìtulu “Istrumentus de avaloramentu eno-gastronomicu de sa canciofa”. Is traballus ant a cumentzai a is 17.30 de su 21 de su mesi de martzu in sa saba consiliari de su Comunu de Samassi. Sighi a ligi ‘Samassi: XXVII sagra de sa canciofa intre atopus e butegas’

In Casteddu su beranu s’allirgat cun sa mùsica de Michael Nyman

(IlMinuto) – Casteddu, 18 de su mesi de martzu – At essi recuperada su 27 de su mesi de martzu chi benit sa data de su concertu casteddaiu de Michael Nyman. Data chi furiat stètia annullada in su mesi de totusantus passau po arrexonis arrepentis de saludi chi iant fertu a su musicista ingresu. Su concertu de su pianista, cumponidori, misicologu e diretori de orchestra s’at a isboddiai in s’Auditorium de su Conservatoriu de Casteddu. Intre is àterus branus s’artista at a propòniri puru is musicas suas po film, is de “Letzionis de pranu”, de “Is arrastas biancas de sa vida” (“The Claim”), de “Su diàriu de Anna Frank”, de “Gattaca” e “Wonderland”. Sighi a ligi ‘In Casteddu su beranu s’allirgat cun sa mùsica de Michael Nyman’