> 2014 mes’e marzu 26 | ilMinuto

Archíviu de sa diri 26/03/2014

Ganau e grupus consiliaris: su fueddu de “Sinistra Sarda”

(IlMinuto) – Casteddu, 26 de su mesi martzu – “Calencuna nova, publicada po aerru in custas diris, no agatat iscumbatu in nisciuna nota ufitziali de s’organizatzioni nostra”. Est cantu afirmat “Sinistra Sarda” in d-una nota de imprenta de su 21 de su mesi martzu de su 2014. Ma de ita est chistionendi s’organizarzioni polìtica fata de PdCI e PRC? Sa smincia est po sa nova chi imaginat sa scuadra, in Consigliu Regionali, de unu grupu consiliari fatu impari a is elìgius de su Tzentru-Democràticu: “negaus cun determinu custa possibilidadi – pretzisant Lisandru Corona e Giuannicu Deriu – biu ca, puru arraspatendi custa organizatzioni e is rapresentantis suus, pentzaus chi sa distàntzia intre is pentzus polìticus siat una trebea manna po sa scuadra de unu grupu comunu”. Sighi a ligi ‘Ganau e grupus consiliaris: su fueddu de “Sinistra Sarda”’

De su 28 a su 29 de su mesi de martzu su seminàriu “Deledda in is iscolas”

(IlMinuto) – Casteddu, 26 de su mesi martzu – S’at a isboddiai de su 28 a su 29 de su mesi de martzu in Nùgoro, in s’Auditorium de s’Istitutu Superiori Regionali Etnogràficu de sa Sardigna, su “Seminàriu Natzionali Deledda in is iscolas”. Unu progetu de sa Diretzioni po is Ordinamentus Iscolasticus e po s’Autonomia Iscolastica, nàsciu cun s’agiudu de s’ISRE, de s’Universidadi de is Istudius de Tàtari e de s’Assòtziu de is Italianistas. Chi tenit s’apògiu de sa Càmara de is Deputaus, sa proposta est destinada a is Istitutus Superioris e s’agatat aintru de is Olimpiadis de Italianu – Diris de sa lìgua italiana po pròmovi sa lìngua italiana e afestai is anniversàrius de sa literàdura italiana. Sighi a ligi ‘De su 28 a su 29 de su mesi de martzu su seminàriu “Deledda in is iscolas”’

Alig’Art 2014_Futuro Anteriore: call for artists

(IlMinuto) – Casteddu, 26 de su mesi martzu – Arribat ocannu a sa de cuàturu editzioni Alig’Art, su festival aprontau de s’assòtziu Sustainable Happiness, chi ponit impari arti e sustenibilidadi ambientali, ecònomica e sotziali. In programa in Casteddu in su mesi de cabudanni, Alig’Art castiat a su “Futuro Anteriore”. Su tema scerau po su 2014 est un’obietivu puru – comenti si ligit in d-una nota de imprenta – “a su cali totus depeus lompi bincendi unu mamentu chi est de crisi no scéti econòmica ma prusatotu e puru de valoris”. Po Sustainable Happiness, difatis, su “Futuro Anteriore” est prus acanta de cantu no si potzat pentzai. S’assòtziu promovit duncas is marranias suas. Sighi a ligi ‘Alig’Art 2014_Futuro Anteriore: call for artists’

Est on line su bandu de su de bitinoi Prèmiu “Giuseppe Dessì”

(IlMinuto) – Casteddu, 26 de su mesi martzu – Iscadit su 15 de su mesi de làmpadas sa data po pigai parti a su de bintinoi Prèmiu “Giuseppe Dessì” in programa in Bidda de Cidru de su 16 a su 21 de su mesi de cabudanni chi benit. Su regulamentu de su cuncursu est online in su giassu de sa Fondatzioni Dessì, aprontadora, impari a su Comunu de Bidda de Cidru, de sa manifestada chi bit s’apògiu de su Consigliu Regionali de Sardigna, de s’Assessorau Regionali a sa Pùblica istritzioni, de su Ministeru po is Benis e is Fainas Culturalis e de sa Fondatzioni Bancu de Sardigna. Sighi a ligi ‘Est on line su bandu de su de bitinoi Prèmiu “Giuseppe Dessì”’