> In Casteddu cun “Odisseo” si fueddat de propriedadi intelletuali | ilMinuto

In Casteddu cun “Odisseo” si fueddat de propriedadi intelletuali

(IlMinuto) – Casteddu 20 de su mesi de martzu – S’at a isboddiai lùnis 31 de su mesi de martzu a cumentzai de is 15.00 su seminàriu chi tenit comenti tìtulu “Odisseo e la proprietà intellettuale: il percorso di una startup alla ricerca di tutela dei propri asset immateriali”, un’initziativa chi s’agat aintru de is fainas de su progetu “INNOVA.RE – principali errori da evitare”. A ndi fueddai ant essi is duus abogaus Giuanni Batista Gallus e Manuelli Montelione, chi ddu ant a fai circhendu “de fai unu cuàdru de su chi una startup depit fai assolutamenti, su chi no si depit fai assolutamenti e su chi – si pretzisat in d-una nota de imprenta – iat a essi diaderus giustu fai po isfrutai su pròpriu traballu”. “Odisseo e la proprietà intellettuale: il percorso di una startup alla ricerca di tutela dei propri asset immateriali” est su segundu de 10 atopus aprontaus de s’Isportellu Propriedadi intelletuali de Sardigna Circas po aprofundai is temas acapiaus a su cumprimentu de bideas imprenditorialis noas. Sa participatzioni est lìbera e a gratis, tocat perou a s’iscriri atressu de su mòdulu online chi s’atat in su giassu PuntoCartesiano

© RIPRODUZIONE RISERVATA

0 Arrespustas a “In Casteddu cun “Odisseo” si fueddat de propriedadi intelletuali”


Is cummentus funt serraus.