> A sa 2° editzioni sua SINNOVA 2014 | ilMinuto

A sa 2° editzioni sua SINNOVA 2014

(IlMinuto) – Casteddu 19 de su mesi de martzu – Torrat e lompit a sa segunda editzioni su Saloni de s’Innovatzioni a serbìtziu de s’impresa in Sardigna SINNOVA 2014, chi s’at a isboddiai in Casteddu, in su tzentriu”Polifunzionale” Santa Gilla cenàbara 27 e sàbusu 28 de su mesi de làmpadas. Sa manifestada aprontada de Sardigna Circas, cun s’agiusu de s’Assessorau regionali a sa Programatzioni, Bilantzu, Fidu, Assentu de su Territòriu, at essi comenti in s’editzioni passada una vitrina de innovatzionis isvulupadas in Sardigna, ma unu forum puru po su cunfrontu e s’iscàbiu de is esperièntzias, po totu is operadoris de s’innovatzioni chi ddoi funt in s’ìsula e prusatotu po is impresas. Su programa de is duas diris previdit una fibera de inizitziativas asuba de is temas de s’innovatzioni. Is aziendas chi bolint pigai parti a su 2° Saloni de s’Innovatzioni – SINNOVA 2014 comenti “espositori” depint compilai unu mòdulu e ddu depint imbiai a Sardigna Circas, impari a una relata asuba de s’azienda chi tengat una descritzionedda de su prodotu o serbìtziu innovativu chi si bolit presentai. Is documentus depint essi comunicaus, intru is 12.00 de su 7 de su mesi de arbili de su 2014, a s’indiritzu e-mail: sinnova2014@sardegnaricerche.it. Po pigai iscedas iscrei a: greca.meloni@sardegnaricerche.it; duranti@sardegnaricerche.it o telefonai a su nùmeru: 070 9243.1

© RIPRODUZIONE RISERVATA

0 Arrespustas a “A sa 2° editzioni sua SINNOVA 2014”


Is cummentus funt serraus.