> Casteddu: cumentzat sa “Cida contra a s’Apartheid Israelianu” « ilMinuto – notizie Mediterranee – edizione Sardegna

Casteddu: cumentzat sa “Cida contra a s’Apartheid Israelianu”

(IlMinuto) – Casteddu, 11 de su mesi de martzu – Cumentzat in Casteddu sa “Cida contra a s’Apartheid Israelianu”. S’avenimentu, aprontau de s’Assòtziu Amigàntzia Sardigna Palestina cun s’agiudu de is comitaus universitarius Cua e Comitau Palestina, bit sa participatzioni de diversus professoris de s’Ateneu casteddaiu puru e de is rapresentantis de su logu de AssoPace e BDS International, de su Muzak e de sa Consulta de is Giòvonus de Sestu. Su primu atopu, s’est isboddiau in arruga Montesanto 28 su 10 de su mesi de martzu passau, e at biu sa presentada de su programa de sa manifestada e sa proietzioni de unu film documetàriu intrau de su presidenti de s’Assòtziu Amigàntzia Sardigna Palestina Fawzi Ismail. Una programatzioni fita de atopus, sa de sa “Cida contra a s’Apartheid Israelianu”, chi at a acabai su 25 de su mesi de martzu chi benit cun sa cuferèntzia asuba de sa legislatzioni israeliana de s’apartheid, isboddiada de s’abogau Faustu Gianelli. “Cida contra a s’Apartheid Israelianu” est una proposta mondiali, aprontada – si ligit in d-una nota de imprenta – “dogna annu in is tzitadis e in is universidadis insoru po denuntziai su sistema de apartheid de su Stadu de Israeli in is cunfrontus de is Palestinesus in is Territòrius Ocupaus e in Israeli”. Po ndi sciri de prus castiai su giassu

© RIPRODUZIONE RISERVATA

0 Arrespustas a “Casteddu: cumentzat sa “Cida contra a s’Apartheid Israelianu””


Is cummentus funt serraus.