> De su 28 a su 29 de su mesi de martzu su seminàriu “Deledda in is iscolas” | ilMinuto

De su 28 a su 29 de su mesi de martzu su seminàriu “Deledda in is iscolas”

(IlMinuto) – Casteddu, 26 de su mesi martzu – S’at a isboddiai de su 28 a su 29 de su mesi de martzu in Nùgoro, in s’Auditorium de s’Istitutu Superiori Regionali Etnogràficu de sa Sardigna, su “Seminàriu Natzionali Deledda in is iscolas”. Unu progetu de sa Diretzioni po is Ordinamentus Iscolasticus e po s’Autonomia Iscolastica, nàsciu cun s’agiudu de s’ISRE, de s’Universidadi de is Istudius de Tàtari e de s’Assòtziu de is Italianistas. Chi tenit s’apògiu de sa Càmara de is Deputaus, sa proposta est destinada a is Istitutus Superioris e s’agatat aintru de is Olimpiadis de Italianu – Diris de sa lìgua italiana po pròmovi sa lìngua italiana e afestai is anniversàrius de sa literàdura italiana. “In su seminàriu – si ligit in d-una nota de imprenta – unus cantu de iscritoris sardus de oi ant a comentai is arrasutaus de is traballus de circa fatus in classi e isceraus po incidai [...] unu giudìtziu crìticu asuba de sa iscritura deleddiana”. A s’acabbu de sa primu diri de traballus, sa proietzioni comentada de calecunu arrogu de su film Rai de su 1958 ”Cannas a su bentu”, at a intrai su tema de sa passada de s’iscritu literàriu a su linguàgiu televisivu comenti esèmpiu de fai connosci sa literàdura in sa cultura natzionali de is annus Cincanta – Sessanta de su Noixentus. Su caminu de conoscèntzia de s’Atene sarda at essi fatu “interattivo” gràtzias a calencuna butega a tema donada a espertus antropologus, istòricus de s’arti e iscritoris, e at essi arricau de sa presentada de matèrialis de archìviu visivus e sonorusde importu mannu, primu intre totus un’arrasta sonora rara de s’artista, donada po s’avenimentu de s’Istitutu Tzentrali po is Benis Sonorus e Audiovisivus de su MiBACT

© RIPRODUZIONE RISERVATA

0 Arrespustas a “De su 28 a su 29 de su mesi de martzu su seminàriu “Deledda in is iscolas””


Is cummentus funt serraus.