> Est on line su bandu de su de bitinoi Prèmiu “Giuseppe Dessì” | ilMinuto

Est on line su bandu de su de bitinoi Prèmiu “Giuseppe Dessì”

(IlMinuto) – Casteddu, 26 de su mesi martzu – Iscadit su 15 de su mesi de làmpadas sa data po pigai parti a su de bintinoi Prèmiu “Giuseppe Dessì” in programa in Bidda de Cidru de su 16 a su 21 de su mesi de cabudanni chi benit. Su regulamentu de su cuncursu est online in su giassu de sa Fondatzioni Dessì, aprontadora, impari a su Comunu de Bidda de Cidru, de sa manifestada chi bit s’apògiu de su Consigliu Regionali de Sardigna, de s’Assessorau Regionali a sa Pùblica istritzioni, de su Ministeru po is Benis e is Fainas Culturalis e de sa Fondatzioni Bancu de Sardigna. Sa fòrmula est sèmpiri sa mantessi: su prèmiu est spartziu in duas setzionis, “Narrativa” e “Poesia”, e benit donau a is scritus in italianu publicaus apustis de su 31 de su mesi de gennàrgiu de su 2013. Is òperas s’ant a depi scerai po calidadi literària. Po pigai parti a su sceberu is autoris o is editoris at a depi mandai noi còpias de sa publicatzioni insoru a sa segreteria de su cuncursu: Fondatzioni Giuseppe Dessì arriga Roma, 65 – 09039 Bidda de Cidru. Po ndi sciri de prus telefonai a su nùmeru: 070 9314387 o scriri un’e-mail: fondessi@tiscali.it.

© RIPRODUZIONE RISERVATA

0 Arrespustas a “Est on line su bandu de su de bitinoi Prèmiu “Giuseppe Dessì””


Is cummentus funt serraus.