> Is “Barbariciridicoli” in Teti po s’8 de su mesi de Martzu | ilMinuto

Is “Barbariciridicoli” in Teti po s’8 de su mesi de Martzu

(IlMinuto) – Casteddu, 6 de su mesi de martzu – Atopu in Teti, sàbudu 8 de su mesi de martzu a is 17, in is aposentus de sa Biblioteca Comunali, po s’ispetàculu teatrali “Marcella o de sa morti de s’ànima” de sa Compagnia “I Barbariciridicoli”. Sispetàculu est unu monologu chi afrontat, in fotzis intre su còmicu e su dramaticu, su tema, a dolu mannu sèmpiri prus presenti e cabau in sa vida de sa Sardigna contemporanea, de sa violetzia asuba de is fèminas aintru de su raportu de amorosu. Sa rapresentada contat su caminu de amanniamentu e s’iscidada de una fèmina e de s’arragu mannu chi tenit a pigai unu caminu abia de su unu benidori de mancipatzioni e de libertadi. Apustis de s’ispetàculu s’at a isboddiai su dibàtidu “Annestrai a sa bellesa e a is relatzionis po si difedi de sa violentzia”, ghiau de su Dot. Laretu Braina de su Tzentru po sa “Creatività Educativa” de Aristanis. S’ispetàculu, aprontau de su Comunu de Teti, no est adatu a is chi tenint prus pagu de 14 annus e s’intrada est a gratis. Po scedas: 393.9013607 www.barbariciridicoli.it

© RIPRODUZIONE RISERVATA

0 Arrespustas a “Is “Barbariciridicoli” in Teti po s’8 de su mesi de Martzu”


Is cummentus funt serraus.