> Indipendentismu: MD presèntzia importanti de is indipendentistas alliaus cun su Tzentrumanca | ilMinuto

Indipendentismu: MD presèntzia importanti de is indipendentistas alliaus cun su Tzentrumanca

(IlMinuto) – Casteddu, 11 de su mesi de martzu – Est craru e frimu su pentzu de Manca Democràtica agoa de s’anàlisi de su votu po is eletzionis regionalis chi si funt isboddiadas in su mesi de fiàrgiu passau. Is indipendentistas de MD s’agatant a cuncòrdiu “arreconnoscendi s’importu de sa presèntzia in Consillu Regionali de fortzas indipendentistas alliadas cun sa s’intesa de Tzentrumanca”. “Comenti fortza sotzialista e indipendentista – si ligit in su giassu de s’organizatzioni – bideus beni sa tramuda de marcu de sa giunta regionali e isperaus chi bengant mandadas ainnantis polìticas de manca po afrontai is problemas chi atanagliant sa Sardigna: disimpreu e crisi econòmica e sotziali”. E sighint: “Comenti partidu indipendentista bideus cun faori sa costitutzioni, po sa primu bia, de unu grupu consiliari de sa manca indipendentista aintru de su Consillu Regionali, cunfiendi in s’impignu santzeru, de chini ddu at a fai, donendi aici vida a is polìticas, chi ddus ant biu in is annus gherrai”.

© RIPRODUZIONE RISERVATA

0 Arrespustas a “Indipendentismu: MD presèntzia importanti de is indipendentistas alliaus cun su Tzentrumanca”


Is cummentus funt serraus.