> Sa Sardigna bincit a s’Itàlia 63,2 a 49,4 (in sa lèzida de is cotidianus) | ilMinuto

Sa Sardigna bincit a s’Itàlia 63,2 a 49,4 (in sa lèzida de is cotidianus)

(IlMinuto) – Casteddu, 14 de su mesi de martzu – In su 2013 su 63,2 po centu de is sardus at ligiu assumancu una borta a sa cida unu cotidianu: unu peschentu de 13,8 puntus prus mannu de su datu mèdiu italianu, frimu a su 49,4. Custu e medas àterus datus, a bias ispantosus, s’agatant in su Raportu “Sardigna in tzifras 2014“, de su Serbìtziu Istatistica de s’aministratzioni regionali chi s’agatat de calencuna cida in su giassu de sa Regioni. Sa difarèntzia intre Sardigna e Itàlia, insertada comentisiollat in d-una punna generali a su ribàsciu de sa bendida de is cotidianus, abarrat largu puru si si fait sa cumparàntzia si isterrit a su nùmeru de is ligidoris “fortis” de cotidianus. Difatis s’annu passau su 47,8% at ligiu unu o prus de unu cotidianu po cincu diris a sa cida assumancu. In sa mantessi creze su datu mèdiu italianu si firmat a su 36,2.

© RIPRODUZIONE RISERVATA

0 Arrespustas a “Sa Sardigna bincit a s’Itàlia 63,2 a 49,4 (in sa lèzida de is cotidianus)”


Is cummentus funt serraus.